‘ആഫത്’: വിജയ് ദേവരകൊണ്ടയുടെ ലൈഗറിലെ റൊമാന്റിക് സോങ് എത്തി

യുവതാരം വിജയ് ദേവരകൊണ്ടയെ നായകനാക്കി പ്രശസ്ത സംവിധായകൻ പുരി ജഗന്നാഥ്‌ ഒരുക്കുന്ന ചിത്രമാണ് ലൈഗർ. ഒരു പാൻ ഇന്ത്യൻ സിനിമായി ഒരുങ്ങുന്ന ലൈഗറിൽ ഒരു കിക്ക് ബോക്സറായാണ് വിജയ് ദേവരകൊണ്ട എത്തുന്നത്. വലിയ റിലീസ് ആണ് അണിയറക്കാർ ചിത്രത്തിന് വേണ്ടി പ്ലാൻ ചെയ്യുന്നത്. ബോളിവുഡ് സംവിധായകൻ കരൺ ജോഹറും നടി ചാർമി കൗറും ചിത്രത്തിന്റെ നിർമ്മാണത്തിൽ പങ്കാളികളാണ്. ഹിന്ദി, മലയാളം, തമിഴ്, തെലുങ്ക്, കന്നഡ ഭാഷകളിലാണ് ചിത്രം ഒരുങ്ങുന്നത്.

Also Read: മോഹൻലാൽ – ജീത്തു ജോസഫ് കൂട്ടുകെട്ട്: മൂന്ന് വർഷത്തെ ഇടവേളക്ക് ശേഷം റാം പുനരാരംഭിക്കുന്നു

ഇപ്പോളിതാ, സിനിമയിലെ രണ്ടാമത്തെ ​ഗാനം പുറത്ത് വിട്ടിരിക്കുകയാണ് അണിയറ പ്രവർത്തകർ. ‘ആഫത് ‘എന്ന പുതിയ ഗാനം ഒരു റൊമാന്റിക് ട്രാക്കാണ്. അനന്യ പാണ്ഡെ ആണ് ചിത്രത്തിൽ നായികയാകുന്നത്. നേരത്തെ പുറത്ത് വന്ന ചിത്രത്തിലെ ‘ അകടി പകടി ‘ എന്ന ഗാനം ഹിറ്റ് ചാർട്ടുകളിൽ ഇടം നേടിയിരുന്നു. ഒരു കംപ്ലീറ്റ് എന്റർടൈൻമെന്റ് പാക്കേജ് ആയി ഒരുങ്ങുന്ന ചിത്രത്തിൽ ഏഴു ഫൈറ്റ് രംഗങ്ങളും ആറു പാട്ടുകളുമുണ്ട്.

 

 

നടി രമ്യ കൃഷ്ണനും ചിത്രത്തിൽ ഒരു പ്രധാന വേഷത്തിൽ എത്തുന്നുണ്ട്. വിഷ്ണു ശർമ്മയാണ് സിനിമയുടെ ഛായാഗ്രാഹകൻ. കീചയാണ് ആക്ഷൻ രംഗങ്ങൾ ഒരുക്കിയത്. യു/ എ സർട്ടിഫിക്കറ്റ് ആണ് ചിത്രത്തിന് ലഭിച്ചിരിക്കുന്നത്. ബോക്സിങ് ഇതിഹാസം മൈക്ക് ടൈസണും സിനിമയിൽ അഭിനയിക്കുന്നുണ്ട്. ഓഗസ്റ്റ് 25ന് ചിത്രം തീയേറ്ററുകളിലെത്തും. പിആർഒ – വൈശാഖ് സി വടക്കേവീട്, ജിനു അനിൽകുമാർ.