മിനിസ്‌ക്രീന്‍ പ്രേക്ഷകരുടെ പ്രിയങ്കരിയായ താരമാണ് സോനു സതീഷ്. അവതാരകയായി കരിയര്‍ ആരംഭിച്ച സോനു നര്‍ത്തകി, നടി എന്നീ നിലകളിലും ശ്രദ്ധിക്കപ്പെട്ടു. അടുത്തിടെയായി സോനു അഭിനയത്തിൽ നിന്നും വിട്ടുനില്‍ക്കുകയായിരുന്നു. എന്നാൽ, സോഷ്യൽ മീഡിയയിൽ സജീവമായ താരം തന്റെ വിശേഷങ്ങളെല്ലാം ആരാധകരുമായി പങ്കുവയ്ക്കാറുണ്ട്.
സിനിമ സെറ്റില്‍ വന്‍ തീപിടുത്തം: ഒരാള്‍ പൊള്ളലേറ്റു മരിച്ചു
ഇപ്പോളിതാ, താൻ അമ്മയായ സന്തോഷം ആരാധകരുമായി പങ്കുവച്ചിരിക്കുകയാണ് താരം. തങ്ങളൊരു പെണ്‍കുഞ്ഞിനാല്‍ അനുഗ്രഹിക്കപ്പെട്ടിരിക്കുന്നു എന്നാണ് സോനു തന്റെ ഇന്‍സ്റ്റഗ്രാം പേജിലൂടെ പങ്കുവച്ചത്. ഭര്‍ത്താവ് അജയ്‌ക്കൊപ്പമുള്ള ചിത്രങ്ങളും സോനു പങ്കുവച്ചിട്ടുണ്ട്. മനോഹരമായ മഞ്ഞ മെറ്റേണിറ്റി വെയറില്‍ നിറവയറുമായി നിൽക്കുന്ന ചിത്രങ്ങളാണ് സോനു പങ്കുവച്ചത്.
നിരവധി പേരാണ് സോനുവിന് ആശംസകൾ അറിയിച്ചിരിക്കുന്നത്. അമ്മയും കുഞ്ഞും നന്നായി ഇരിക്കട്ടെ, പെണ്‍കുഞ്ഞിനെ ഒരുനോക്ക് കാണാന്‍ കട്ട വെയിറ്റിംഗ് ആണ് എന്നൊക്കെയുള്ള കമന്റുകളാണ് സോനുവിന്റെ ചിത്രത്തിന് താഴെ എത്തുന്നത്.
Post Your Comments