നീണ്ടകാലത്തെ ഇടവേളക്ക് ശേഷം സുരേഷ് ഗോപി – ജോഷി കൂട്ടുകെട്ടിൽ ഒരുങ്ങിയ ചിത്രം ‘പാപ്പൻ’ തിയറ്ററുകളിൽ എത്തി കഴിഞ്ഞു. ഇന്ന് രാവിലെ പ്രദർശനത്തിനെത്തിയ ചിത്രത്തിന് പ്രേക്ഷകരിൽ നിന്നും മികച്ച പ്രതികരണമാണ് ലഭിക്കുന്നത്. ഈ അവസരത്തിൽ പ്രേക്ഷകരോട് അഭ്യർത്ഥനയുമായി എത്തിയിരിക്കുകയാണ് സുരേഷ് ഗോപി.
read also: ബാലഭാസ്കറിന്റെ മരണം : കുടുംബം നൽകിയ ഹർജി കോടതി തള്ളി, അപകടമരണം തന്നെയെന്ന് കോടതി
സിനിമ കണ്ടവര്‍ സിനിമ സ്‌പോയ്‌ലര്‍ ചെയ്യാതിരിക്കാന്‍ ശ്രദ്ധിക്കണമെന്നും സിനിമയെക്കുറിച്ചുള്ള സത്യസന്ധമായ പ്രതികരണങ്ങള്‍ അറിയിക്കണമെന്നും അറിയിച്ചു എത്തിയിരിക്കുകയാണ് സുരേഷ് ഗോപി. ‘പാപ്പന്‍ ഇപ്പോള്‍ നിങ്ങളുടേതാണ്. എല്ലാ അര്‍ത്ഥത്തിലും സിനിമയുടെ സ്‌പോയ്‌ലര്‍ പങ്കിടുന്നത് തടയണമെന്ന് വിനീതമായി മുന്നറിയിപ്പ് നൽകുകയാണ്. നിങ്ങളുടെ യഥാര്‍ത്ഥ പ്രതികരണങ്ങള്‍ ദയവായി ഞങ്ങളെ അറിയിക്കുക. മറ്റുള്ളവരുടെ അനുഭവം നശിപ്പിക്കാന്‍ അനുവദിക്കരുത്’- സുരേഷ് ഗോപി കുറിച്ചു.
ശ്രീ ഗോകുലം മൂവിസ്സിൻ്റെ ബാനറിൽ ഗോകുലം ഗോപാലൻ അവതരിപ്പിക്കുന്ന ഈ ചിത്രത്തിൽ ഗോകുൽ സുരേഷും പ്രധാനവേഷത്തിൽ എത്തുന്നുണ്ട്. ഡേവിഡ് കാച്ചപ്പിള്ളി പ്രൊഡക്ഷൻസിൻ്റെയും ഇഫാർ മീഡിയയുടേയും ബാനറിലാണ് ചിത്രം ഒരുങ്ങുന്നത്.
Post Your Comments