ഷെയ്ൻ നി​ഗവും വിനയ് ഫോർട്ടും പിന്നെ അതിസുന്ദരമായ ഫ്രെയിമുകളും: ബർമുഡ ടീസർ എത്തി

ഷെയ്‌ൻ നിഗം, വിനയ് ഫോർട്ട് എന്നിവരെ പ്രധാന കഥാപാത്രങ്ങളാക്കി ടി കെ രാജീവ് കുമാർ സംവിധാനം ചെയ്യുന്ന ചിത്രമാണ് ബർമുഡ. കശ്‍മീരി നടി ഷെയ്‍ലീ കൃഷൻ ആണ് ചിത്രത്തിൽ ഷെയ്ൻ ​നി​ഗത്തിന്റെ നായികയായി എത്തുന്നത്. സന്തോഷ് ശിവൻറെ ജാക്ക് ആൻഡ് ജിൽ എന്ന ചിത്രത്തിലും  ഷെയ്‍ലീ അഭിനയിച്ചിട്ടുണ്ട്. 24 ഫ്രെയിംസിന്റെ ബാനറിൽ സൂരജ് സി കെ, ബിജു സി ജെ, ബാദുഷ എൻ എം എന്നിവർ ചേർന്നാണ് ചിത്രം നിർമ്മിക്കുന്നത്.

Also Read: തീ പാറുന്ന ആക്ഷൻ, പൊലീസ് വേഷത്തിൽ വിശാൽ: ‘ലാത്തി’ ടീസർ എത്തി

ഇപ്പോളിതാ, ചിത്രത്തിന്റെ ടീസർ പുറത്ത് വിട്ടിരുക്കുകയാണ് അണിയറ പ്രവർത്തകർ. രസകരവും അതിസുന്ദരവുമായ ഫ്രെയിമുകളാണ് ടീസറിന്റെ പ്രധാന ആകർഷണം. ഷെയ്ൻ നി​ഗവും വിനയ് ഫോർട്ടുമാണ് ടീസറിൽ പ്രത്യക്ഷപ്പെടുന്നത്.

മോഹൻലാൽ ഗായകനായി എത്തുന്നു എന്ന പ്രത്യേകതയും ഈ ചിത്രത്തിനുണ്ട്. തീർത്തും നർമ്മ പശ്ചാത്തലത്തിൽ കഥ പറയുന്ന സിനിമയുടെ രചന നിർവ്വഹിച്ചിരിക്കുന്നത് നവാഗതനായ കൃഷ്ണദാസ് പങ്കിയാണ്. ഹരീഷ് കണാരൻ, സൈജു കുറുപ്പ്, സുധീർ കരമന, മണിയൻപിള്ള രാജു, ഇന്ദ്രൻസ്, സാജൻ സുധർശൻ, ദിനേഷ് പണിക്കർ തുടങ്ങിയവർ ചിത്രത്തിൽ അണിനിരക്കുന്നുണ്ട്.