ഗുവാഹത്തി: റിസോര്‍ട്ടിലെ ബാത്ത്റൂമില്‍ വീണ് ഗായകനും സംഗീത സംവിധായകനുമായ സുബീന്‍ ഗാര്‍ഗിന് പരിക്കേറ്റു. ദിബ്രുഗഢിലുള്ള റിസോര്‍ട്ടിൽ വച്ചായിരുന്നു അപകടം. തലയ്ക്കു പരിക്കേറ്റതിനെ തുടര്‍ന്ന് ഉടന്‍ തന്നെ എയര്‍ ആംബുലന്‍സില്‍ അദ്ദേഹത്തെ ഗുവാഹത്തിയിലെ ആശുപത്രിയില്‍ എത്തിച്ചു.
ആശുപത്രിയില്‍ എത്തിയ സുബിന്‍ ഗാര്‍ഗിനെ സിടി സ്കാനിന് വിധേയനാക്കി. പരിക്ക് ഗുരുതരമല്ല എന്ന് ഡോക്ടര്‍മാരെ ഉദ്ധരിച്ച്‌ വിവിധ ദേശീയമാധ്യമങ്ങള്‍ റിപ്പോര്‍ട്ട് ചെയ്തു.
അസ്സാമി സംഗീതജ്ഞനായ സുബിന്‍ ഗാര്‍ഗ് ഇമ്രാന്‍ ഹഷ്മിയുടെ ഗാങ്സ്റ്റര്‍ എന്ന ചിത്രത്തിലെ യാ അലി, ക്രിഷ് 3-യിലെ ദില്‍ തൂ ഹി ബതാ എന്നീ ഗാനങ്ങളിലൂടെയാണ് പ്രശസ്തനായത്. സുബിന്‍ സംഗീതസംവിധാനം നിര്‍വഹിച്ച കാഞ്ചന്‍ജംഗ, മിഷന്‍ ചൈന, ദീന്‍ബന്ധു തുടങ്ങിയ ചിത്രങ്ങള്‍ സൂപ്പര്‍ഹിറ്റുകളായിരുന്നു.
Post Your Comments