പുതുമുഖം ആകാശ് സെന്നിനെ നായകനാക്കി ഡോൺ മാക്സ് രചനയും സംവിധാനവും നിർവ്വഹിക്കുന്ന അറ്റ് എന്ന ചിത്രത്തിൻറെ ഫസ്റ്റ് ലുക്ക് പോസ്റ്റർ പുറത്തെത്തി. ചിത്രത്തിൻ്റെ പോസ്റ്റർ അജു വർഗീസ്, സിജു വിൽസൺ, സൈജു കുറുപ്പ്, നിഖില വിമൽ തുടങ്ങിയവർ ചേർന്നാണ് സോഷ്യൽ മീഡിയയിലൂടെ പുറത്തിറക്കിയത്. ടെക്നോ ത്രില്ലർ വിഭാഗത്തിലുള്ള ചിത്രമാണിത്. ഇന്റർനെറ്റ് ലോകത്തെ ചതിക്കുഴികളും ഡാർക്ക് വെബ് കേന്ദ്രീകരിച്ചുള്ള ക്രിമിനൽ നെറ്റ്‍വർക്കുകളുമൊക്കെയാണ് ചിത്രം ചർച്ച ചെയ്യുന്നത്. മലയാളത്തിൽ ആദ്യമായാണ് ഡാർക്ക് വെബ് സംബന്ധമായ വിഷയങ്ങൾ ചർച്ച ചെയ്യുന്ന ഒരു മുഖ്യധാര സിനിമ പുറത്തിറങ്ങുന്നത്.
Also Read: ബാബുരാജിനും വാണി വിശ്വനാഥിനും എതിരെ പൊലീസ് കേസ്
കൊച്ചുറാണി പ്രൊഡക്ഷൻസിൻറെ ബാനറിലാണ് ചിത്രം നിർമ്മിക്കുന്നത്. ഇന്ത്യയിൽ ആദ്യമായി റെഡ് വി റാപ്ടർ ക്യാമറയിൽ പൂർണ്ണമായി ചിത്രീകരിച്ച ആദ്യ ഇന്ത്യൻ ചിത്രമെന്ന പ്രത്യേകതയും അറ്റിനുണ്ട്. സിനിമയുടേതായി ഇതിനോടകം പുറത്തിറങ്ങിയ ടീസർ ശ്രദ്ധ നേടിയിരുന്നു.
ഷാജു ശ്രീധർ, ശരൺ ജിത്ത്, ബിബിൻ പെരുമ്പള്ളി, റേച്ചൽ ഡേവിഡ്, നയന എൽസ, സഞ്ജന ദോസ്, ആരാധ്യ ലക്ഷ്മൺ തുടങ്ങിയവരാണ് ചിത്രത്തിലെ മറ്റ് പ്രധാന അഭിനേതാക്കൾ.
Post Your Comments