സൗബിന്‍ ഷാഹിറിനെ നായകനാക്കി സിദ്ധാര്‍ഥ് ഭരതന്‍ സംവിധാനം ചെയ്യുന്ന ചിത്രമാണ് ജിന്ന്. ഈ ചിത്രത്തിന്റെ റിലീസ് മാറ്റിയതായി അറിയിച്ചിരിക്കുകയാണ് സംവിധായകൻ. ചില അപ്രതീക്ഷിത സാഹചര്യങ്ങളും സാങ്കേതിക പ്രശ്‌നങ്ങളേയും തുടര്‍ന്ന് ജിന്നിന്റെ റിലീസ് മാറ്റിയിരിക്കുകയാണെന്ന് ഫേസ് ബുക്ക് കുറിപ്പിൽ സിദ്ധാർഥ് പറയുന്നു.
‘പ്രിയപ്പെട്ട സുഹൃത്തുക്കളെ, ചില അപ്രതീക്ഷിത സാഹചര്യങ്ങളും സാങ്കേതിക പ്രശ്‌നങ്ങളേയും തുടര്‍ന്ന് ഞങ്ങളുടെ സിനിമ ജിന്നിന്റെ റിലീസ് മാറ്റിയിരിക്കുകയാണ്. പുതിയ റിലീസ് തിയതി വൈകാതെ അറിയിക്കും.’- സിദ്ധാര്‍ഥ് കുറിച്ചു.
read also: സദാചാരക്കാരെ, നിങ്ങൾ മാറി നിൽക്കൂ, ഇത് നിങ്ങൾക്കുള്ളതല്ല: പ്രണയ വീഡിയോയുമായി ഗോപി സുന്ദറും അമൃതയും
കെ എസ് ഹരിശങ്കറും പ്രീതി പിള്ളയും ചേര്‍ന്ന് ആലപിച്ചിരിക്കുന്ന, ‘ഏതോ വാതില്‍’ എന്നു തുടങ്ങുന്ന ‘ജിന്നി’ലെ പുതിയൊരു ഗാനവും സിദ്ധാര്‍ത്ഥ് പുറത്തുവിട്ടിട്ടുണ്ട്. അന്‍വര്‍ അലിയുടെ വരികള്‍ക്ക് സംഗീതം പകര്‍ന്നിരിക്കുന്നത് പ്രശാന്ത് പിള്ളയാണ്.
മേയ് 13ന് ചിത്രം റിലീസ് ചെയ്യുമാണ് ആദ്യം പറഞ്ഞിരുന്നത്. പിന്നീട് റിലീസ് മാറ്റുകയായിരുന്നു. ശാന്തി ബാലചന്ദ്രൻ നായികയായി എത്തുന്ന ചിത്രത്തിന്റെ തിരക്കഥയൊരുക്കിയിരിക്കുന്നത് ‘കലി’യുടെ രചയിതാവ് രാജേഷ് ഗോപിനാഥനാണ്.
Post Your Comments