പ്രമുഖ എഴുത്തുകാരനായ കാരൂർ നീലകണ്ഠപിള്ളയുടെ ഏറെ പ്രസിദ്ധമായ പൊതിച്ചോറ് എന്ന ചെറുകഥയുടെ ചലച്ചിത്രാവിഷ്‌ക്കാരമാണ് ഹെഡ്മാസ്റ്റര്‍ എന്ന സിനിമ. ദേശീയ അവാർഡ് ജേതാവ് രാജീവ് നാഥ് ആണ് ചിത്രം സംവിധാനം ചെയ്യുന്നത്. ചാനൽ ഫൈവിന്റെ ബാനറിൽ ശ്രീലാൽ ദേവരാജ് ആണ് ചിത്രം നിർമ്മിച്ചിരിക്കുന്നത്. തമ്പി ആന്റണി, ബാബു ആന്റണി എന്നിവരാണ് ചിത്രത്തിൽ കേന്ദ്ര കഥാപാത്രങ്ങളായി എത്തുന്നത്.
വിധിയോട് തോറ്റുപോയ പ്രധാന അധ്യാപകനായി തമ്പി ആന്റണിയും, അധ്യാപകന്റെ മകനായി ബാബു ആന്റണിയും അഭിനയിക്കുന്നു. നടി ജലജയുടെ മകൾ ദേവിയാണ് ചിത്രത്തിൽ നായികയായെത്തുന്നത്. കെ.ബി വേണുവും രാജീവ് നാഥും ചേര്‍ന്നാണ് ചിത്രത്തിന് വേണ്ടി തിരക്കഥ രചിച്ചിരിക്കുന്നത്. കാവാലം നാരായണ പണിക്കരുടെ മകൻ കാവാലം ശ്രീകുമാർ ആദ്യമായി സംഗീതം ഒരുക്കുന്ന ചിത്രമാണിത്.
Also Read: തിരക്കഥയിലെ ഓളത്തിനനുസരിച്ച് അദ്ദേഹം ആ സിനിമയോടൊപ്പം ഒഴുകുകയായിരുന്നു: ഹരീഷ് പേരടി
സഞ്ജു ശിവറാം, മഞ്ജു പിള്ള, ജഗദീഷ്, സുധീര്‍ കരമന, ശങ്കര്‍ രാമകൃഷ്ണന്‍, പ്രേംകുമാര്‍, സേതുലക്ഷ്മി, ആകാശ് രാജ് എന്നിവരും ചിത്രത്തിൽ അണിനിരക്കുന്നു. സിനിമ ജൂലൈ 29ന് റിലീസ് ചെയ്യും.
Post Your Comments