ടൊവിനോ തോമസിനെ കേന്ദ്ര കഥാപാത്രമാക്കി നടൻ വിനീത് കുമാർ ഒരുക്കിയ ചിത്രമാണ് ഡിയർ ഫ്രണ്ട്. ജൂൺ 10നാണ് ചിത്രം തിയേറ്ററുകളിൽ റിലീസ് ചെയ്തത്. തിയേറ്ററിൽ വലിയ ചലനം സൃഷ്ടിക്കാൻ സിനിമയ്ക്ക് സാധിച്ചിരുന്നില്ല. ജൂലൈ 10നാണ് ചിത്രം ഒടിടിയിൽ റിലീസായത്. നെറ്റ്ഫ്ലിക്സിലൂടെയാണ് ചിത്രം സ്ട്രീം ചെയ്തത്. തിയേറ്റർ കൈവിട്ട ചിത്രത്തെ ഇരുകൈകളും നീണ്ടി സ്വീകരിച്ചിരിക്കുകയാണ് ഒടിടി പ്ലാറ്റ്ഫോം.
സമൂഹ മാധ്യമങ്ങളിൽ നിറയെ സിനിമയെ കുറിച്ചുള്ള പ്രതികരണങ്ങളാണ്. മികച്ച പ്രതികരണമാണ് ചിത്രത്തിന് ലഭിക്കുന്നത്. വിനീത് കുമാർ എന്ന സംവിധായകനെ അഭിനന്ദിച്ചും നിരവധി പോസറ്റുകൾ സോഷ്യൽ മീഡിയയിൽ പ്രത്യക്ഷപ്പെടുന്നുണ്ട്.
ഹാപ്പി അവേഴ്‌സ് എന്റര്‍ടെയ്ന്‍മെന്റ്‌സ്, ആഷിഖ് ഉസ്മാന്‍ പ്രൊഡക്ഷന്‍സ് എന്നീ ബാനറുകളില്‍ ഷൈജു ഖാലിദ്, സമീര്‍ താഹിര്‍, ആഷിഖ് ഉസ്മാന്‍ എന്നിവര്‍ ചേർന്നാണ് ചിത്രം നിർമ്മിച്ചത്. ഷറഫു, സുഹാസ്, അർജുൻ ലാൽ എന്നിവർ ചേർന്നാണ് ചിത്രത്തിന് തിരക്കഥ ഒരുക്കിയത്.
അഞ്ച് സുഹൃത്തുക്കളുടെ കഥയും അവർക്കിടയിൽ സംഭവിക്കുന്ന കാര്യങ്ങളുമാണ് സിനിമ പറയുന്നത്. ബേസിൽ ജോസഫ്, ദർശന രാജേന്ദ്രൻ, അർജുൻ ലാൽ തുടങ്ങിയവരാണ് ചിത്രത്തിലെ മറ്റ പ്രധാന കഥാപാത്രങ്ങളായി എത്തിയത്. അയാള്‍ ഞാന്‍ അല്ല എന്ന ചിത്രത്തിന് ശേഷം വിനീത് കുമാര്‍ സംവിധാനം ചെയ്ത സിനിമയാണ് ഡിയര്‍ ഫ്രണ്ട്.
Post Your Comments