വിഷ്ണു ഉണ്ണികൃഷ്ണന്റെ ‘കുറി’യുടെ റിലീസ് മാറ്റി: പുതിയ തിയതി പ്രഖ്യാപിച്ചു

വിഷ്ണു ഉണ്ണികൃഷ്ണൻ ആദ്യമായി പോലീസ് വേഷത്തിൽ കേന്ദ്ര കഥാപാത്രത്തെ അവതരിപ്പിക്കുന്ന ചിത്രമാണ് ‘കുറി’. ഫാമിലി സസ്പെൻസ് ത്രില്ലർ ആയാണ് സിനിമ ഒരുങ്ങുന്നത്. കെ.ആർ. പ്രവീൺ ആണ് ചിത്രം തിരക്കഥയെഴുതി സംവിധാനം ചെയ്യുന്നത്. ഇപ്പോളിതാ, സിനിമയുടെ റിലീസ് മാറ്റി എന്ന വിവരമാണ് പുറത്ത് വരുന്നത്. ജൂലൈ എട്ടിനാണ് ചിത്രം തിയേറ്ററിൽ റിലീസ് ചെയ്യാൻ തീരുമാനിച്ചിരുന്നത്. എന്നാൽ, ചിത്രത്തിന്റെ റിലീസ് ജൂലൈ 15ലേക്കാണ് മാറ്റി വച്ചിരിക്കുന്നത്.

സുരഭി ലക്ഷ്മി, വിഷ്ണു ഗോവിന്ദൻ, വിനോദ് തോമസ്, സാഗർ സൂര്യ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. വണ്ടിപ്പെരിയാറിലും പരിസരങ്ങളിലുമായാണ് ചിത്രത്തിന്റെ ചിത്രീകരണം പൂർത്തിയാക്കിയത്. ബി കെ ഹരിനാരായണന്റെ വരികൾക്ക് വിനു തോമസാണ് സംഗീതം പകരുന്നത്. ഹരിമോഹൻ ജി പൊയ്യയാണ് ചിത്രത്തിന് വേണ്ടി സംഭാഷണം ഒരുക്കുന്നത്. കോക്കേഴ്‌സ് മീഡിയ എന്റർടൈൻമെന്റ്‌സാണ് സിനിമ നിർമ്മിക്കുന്നത്.

Also Read: മമ്മൂട്ടി ചിത്രത്തിൽ മൂന്ന് നായികമാർ: ചിത്രീകരണം ഉടൻ ആരംഭിക്കും

നേരത്തെ റിലീസ് ചെയ്ത സിനിമയിലെ പ്രൊമോ ​ഗാനം എറെ ശ്രദ്ധിക്കപ്പെട്ടിരുന്നു. വിനീത് ശ്രീനിവാസനും അഞ്‍ജു ജോസഫുമാണ് ​ഗാനം ആലപിച്ചത്. വിഷ്‍ണു ഉണ്ണികൃഷ്‍ണനും സഹ താരങ്ങളും പാട്ടിനൊത്ത് ചുവടുകൾ വയ്‍ക്കുന്നതും പ്രൊമോ ഗാനത്തിന്റെ വീഡിയോയിൽ ഉണ്ടായിരുന്നു.