രണ്ട് അസുഖങ്ങളുമായുള്ള പോരാട്ടത്തിലാണ്: ശ്രുതി ഹാസൻ

തെന്നിന്ത്യൻ സിനിമ പ്രേമികളുടെ പ്രിയപ്പെട്ട നടിയാണ് ശ്രുതി ഹാസൻ. നിരവധി വ്യത്യസ്തങ്ങളായ കഥാപാത്രങ്ങളിലൂടെയാണ് ശ്രുതി ആരാധക മനസ്സിൽ ഇടം പിടിച്ചത്. ഇപ്പോളിതാ, ശ്രുതി സമൂഹ മാധ്യമത്തിൽ പങ്കുവച്ച ഒരു വീഡിയോയിൽ പറഞ്ഞ കാര്യങ്ങളാണ് ശ്രദ്ധേയമാകുന്നത്. രണ്ട് അസുഖങ്ങളുമായുള്ള പോരാട്ടത്തിലാണ് താനെന്നാണ് താരം പറയുന്നത്. പിസിഒഎസുമായി പോരാടിക്കൊണ്ടിരിക്കുകയാണെന്നും തനിക്ക് ഹോർമോൺ പ്രശ്നങ്ങളുണ്ടെന്നുമാണ് നടി പറയുന്നത്. ഇൻസ്റ്റഗ്രാമിൽ പങ്കുവച്ച വർക്കൗട്ട് വീഡിയോയിലൂടെയാണ് ശ്രുതി ഇക്കാര്യങ്ങൾ തുറന്ന് പറയുന്നത്.

Also Read: കാസ്റ്റിംഗ് കോളിന്റെ പേരിൽ തട്ടിപ്പ്: ഫേസ്ബുക്ക് കുറിപ്പുമായി സംവിധായകൻ

‘എന്നോടൊപ്പം വർക്ക്ഔട്ട് ചെയ്യുക. പിസിഒഡി, എൻഡോമെട്രിയോസിസ് എന്നിവയുമായി ബന്ധപ്പെട്ട് ഏറ്റവും മോശമായ ചില ഹോർമോൺ പ്രശ്‌നങ്ങൾ ഞാൻ അഭിമുഖീകരിക്കുന്നു. അസന്തുലിതാവസ്ഥയും വീർപ്പുമുട്ടലും ഉപാപചയ വെല്ലുവിളികളുമായുള്ള കടുത്ത പോരാട്ടമാണിതെന്ന് സ്ത്രീകൾക്ക് അറിയാം. എന്നാൽ അതിനെ ഒരു പോരാട്ടമായി കാണുന്നതിന് പകരം, എന്റെ ശരീരം അതിന്റെ പരമാവധി ചെയ്യാൻ പോകുന്ന ഒരു സ്വാഭാവിക ചലനമായി അംഗീകരിക്കാൻ ഞാൻ തെരഞ്ഞെടുക്കുന്നു.

ശരിയായി ഭക്ഷണം കഴിച്ചും നന്നായി ഉറങ്ങിയും എന്റെ വർക്ക്ഔട്ട് ആസ്വദിച്ചും ഞാൻ നന്ദി പറയുന്നു. എന്റെ ശരീരം ഇപ്പോൾ പൂർണ്ണമല്ല, പക്ഷേ എന്റെ ഹൃദയം നിറവിലാണ്. ഫിറ്റ്‌നസ് നിലനിർത്തുക, സന്തോഷത്തോടെ തുടരുക, സന്തോഷകരമായ ഹോർമോണുകൾ ഒഴുകട്ടെ! ഞാൻ ഒരു ചെറിയ പ്രസംഗം നടത്തുന്നുവെന്ന് എനിക്കറിയാം, പക്ഷേ ഈ വെല്ലുവിളികൾ സ്വീകരിക്കാനും എന്നെ നിർവ്വചിക്കാൻ അവരെ അനുവദിക്കാതിരിക്കാനുമുള്ള ഒരു യാത്രയാണിത് ‘, ഇൻസ്റ്റാ​ഗ്രാമിൽ പങ്കുവച്ച വീഡിയോയിൽ ശ്രുതി ഇങ്ങനെയാണ് പറയുന്നത്.