ഷെയിൻ നിഗത്തെ കേന്ദ്ര കഥാപാത്രമാക്കി നവാഗതനായ ജീവൻ ജോജോ ഒരുക്കുന്ന ചിത്രമാണ് ‘ഉല്ലാസം’. പ്രവീൺ ബാലകൃഷ്ണനാണ് ചിത്രത്തിന് വേണ്ടി തിരക്കഥ ഒരുക്കിയിരിക്കുന്നത്. കൈതമറ്റം ബ്രദേഴ്‌സിന്റെ ബാനറിൽ ജോയി കൈതമറ്റം, ക്രിസ്റ്റി കൈതമറ്റം എന്നിവർ ചേർന്നാണ് നിർമ്മാണം.
ഇപ്പോളിതാ, ചിത്രത്തിലെ പുതിയ ഗാനം റിലീസായിരിക്കുകയാണ്. ‘ഈ രാവും’ എന്ന് തുടങ്ങുന്ന ഗാനമാണ് പുറത്തിറങ്ങിയത്. അക്ബർ ഖാൻ ആണ് ഗാനം ആലപിച്ചിരിക്കുന്നത്. ബി കെ ഹരിനാരായണന്റെ വരികൾക്ക് ഷാൻ റഹ്മാൻ ആണ് സംഗീതം പകർന്നിരിക്കുന്നത്.
നിരവധി പരസ്യചിത്രങ്ങളിലൂടെയും ഷോർട്ട് ഫിലിമുകളിലൂടെയും ശ്രദ്ധിക്കപ്പെട്ട പവിത്ര ലക്ഷ്മി ആണ് സിനിമയിൽ നായികയായെത്തുന്നത്. ‘അരവിന്ദന്റെ അതിഥികൾ’ എന്ന ചിത്രത്തിലൂടെ ശ്രദ്ധേയനായ സ്വരൂപ് ഫിലിപ്പാണ് ഛായാഗ്രഹണം നിർവ്വഹിക്കുന്നത്. അജു വർഗീസ്, ദീപക് പരമ്പോൽ, ബേസിൽ ജോസഫ്, ലിഷോയ്, അപ്പുകുട്ടി, ജോജി, അംബിക, നയന എൽസ തുടങ്ങിയവരും സിനിമയിൽ അണിനിരക്കുന്നുണ്ട് .
ചിത്രത്തിന്റേതായി നേരത്തെ റിലീസ് ചെയ്ത ട്രെയ്ലർ ഏറെ ശ്രദ്ധിക്കപ്പെട്ടിരുന്നു. ഇതുവരെ കണ്ടതിൽ നിന്നും വ്യത്യസ്‍തമായി പുതിയ രൂപത്തിലും ഭാവത്തിലുമാണ് ഷെയിൻ നിഗം ചിത്രത്തിൽ എത്തുന്നത്. ജൂലൈ ഒന്നിന് ചിത്രം തിയേറ്ററുകളിൽ റിലീസ് ചെയ്യും.
Post Your Comments