ഉണ്ണി മുകുന്ദനെ നായകനാക്കി നവാഗതനായ അനൂപ് പന്തളം സംവിധാനം ചെയ്യുന്ന ചിത്രമാണ് ഷഫീക്കിന്റെ സന്തോഷം. ചിത്രത്തിന് തിരക്കഥ ഒരുക്കുന്നതും അനൂപ് തന്നെയാണ്. ഇപ്പോളിതാ, ചിത്രവുമായി ബന്ധപ്പെട്ട പുതിയ വിശേഷം പങ്കുവയ്ക്കുകയാണ് ഉണ്ണി മുകുന്ദൻ. ഷഫീക്കിന്റെ സന്തോഷത്തിലൂടെ അച്ഛൻ അഭിനയത്തിൽ അരങ്ങേറ്റം കുറിച്ചു എന്ന വാർത്തയാണ് ഉണ്ണി മുകുന്ദൻ പങ്കുവച്ചത്. ഫേസ്ബുക്ക് പോസ്റ്റിലൂടെയായിരുന്നു താരം ഇക്കാര്യം വെളിപ്പെടുത്തിയത്. അച്ഛന്റെ ചിത്രങ്ങളും ഉണ്ണി കുറിപ്പിനൊപ്പം പങ്കുവച്ചിട്ടുണ്ട്.
ഉണ്ണി മുകുന്ദന്റെ ഫേസ്ബുക്ക് പോസ്റ്റ് വായിക്കാം.
ഇത് എനിക്ക് പ്രിയപ്പെട്ടതാണ്. ഇന്ന് അച്ഛന്‍ ഷഫീക്കിന്റെ സന്തോഷം എന്ന സിനിമയിലെ അദ്ദേഹത്തിന്റെ ഭാഗം പൂര്‍ത്തിയാക്കുകയാണ്. മേപ്പടിയാനില്‍ അച്ഛന്‍ അഭിനയിക്കേണ്ടതായിരുന്നു. പക്ഷേ തിരക്കഥ എഴുതിയ സമയത്ത് അദ്ദേഹത്തിന്റെ ഭാഗം ഞാന്‍ വെട്ടിമാറ്റി. മേപ്പടിയാനിൽ അച്ഛന്‍ അഭിനയിക്കേണ്ടതായിരുന്നു എന്ന് വിഷ്ണു മോഹന്‍ ഇപ്പോഴും വിശ്വസിക്കുന്നുണ്ട്. നെപ്പോട്ടിസത്തിന്റെ ഗുണങ്ങൾ എനിക്ക് കിട്ടിയില്ല. അതുകൊണ്ട് ഞാന്‍ റിവേഴ്‌സ് നെപ്പോട്ടിസം ചെയ്യുന്നു. എന്റെ അച്ഛന്‍ കുട്ടി സ്‌ക്രീനില്‍ അരങ്ങേറ്റം കുറിക്കുന്നു. ഷഫീക്ക് സ്‌ക്രീനിലെത്തുമ്പോള്‍ നിങ്ങള്‍ക്ക് ഇഷ്ടപ്പെടുമെന്ന് പ്രതീക്ഷിക്കുന്നു.
Also Read: ‘നയന്‍താര വിവാഹത്തിന് ക്ഷണിച്ചു, ഞാന്‍ പോയില്ല’: ധ്യാന്‍ ശ്രീനിവാസന്‍
ഉണ്ണി മുകുന്ദൻ ഫിലിംസും ബാദുഷയും ചേർന്നാണ് സിനിമ നിർമ്മിക്കുന്നത്. മനോജ് കെ ജയൻ, ദിവ്യ പിള്ള, ബാല, ആത്മീയ രാജൻ, ഷഹീൻ സിദ്ദിഖ്, മിഥുൻ രമേശ്, സ്മിനു സിജോ തുടങ്ങിയവരും ചിത്രത്തിൽ അണിനിരക്കുന്നുണ്ട്.
Post Your Comments