അക്ഷയ് കുമാറിനെ കേന്ദ്ര കഥാപാത്രമാക്കി ചന്ദ്രപ്രകാശ് ദ്വിവേദി ഒരുക്കിയ സാമ്രാട്ട് പൃഥ്വിരാജ് ബോക്സ് ഓഫീസിൽ തകർച്ച നേരിടുകയാണ്. ജൂൺ മൂന്നിന് റിലീസായ ചിത്രം ഇതുവരെ ആകെ നേടിയത് 56.75 കോടി രൂപ മാത്രമാണ്. 300 കോടി രൂപ മുതൽ മുടക്കിലാണ് ചിത്രം നിർമ്മിച്ചത്. ഡിജിറ്റൽ, സാറ്റലൈറ്റ് അവകാശങ്ങൾക്ക് ലഭിച്ച തുക ഉൾപ്പെടെ കണക്കാക്കിയാൽ പോലും ചിത്രത്തിന് 100 കോടി രൂപ നഷ്ടം ഉണ്ടാകുമെന്നാണ് വിവരം.
ജൂൺ 10ന് വെറും 1.70 കോടി രൂപയാണ് ചിത്രത്തിന്റെ കളക്ഷൻ. ആദ്യ ദിനം 10.70 കോടി രൂപ നേടിയ ചിത്രത്തിൻ്റെ കളക്ഷൻ പിന്നീട് കൂപ്പുകുത്തുകയായിരുന്നു. വെള്ളിയാഴ്ച 10.70 കോടി, ശനിയാഴ്ച 12.60 കോടി, ഞായറാഴ്ച 16.10 കോടി, തിങ്കളാഴ്ച 5 കോടി, ചൊവ്വാഴ്ച 4.25 കോടി, ബുധനാഴ്ച 3.60 കോടി, വ്യാഴാഴ്ച 2.80 കോടി എന്നിങ്ങനെയാണ് ജൂൺ മൂന്ന് മുതൽ 9 വരെയുള്ള ദിവസങ്ങളിലെ കളക്ഷൻ.
Also Read: നായികയായി അനുപമ പരമേശ്വരൻ: കാർത്തികേയ 2 ക്യാരക്ടർ പോസ്റ്റർ എത്തി
രജപുത് ഭരണാധികാരി പൃഥ്വിരാജ് ചൗഹാൻ്റെ ജീവിതം പറയുന്ന ചിത്രത്തിൽ മാനുഷി ഛില്ലർ ആണ് നായികയായെത്തിയത്. സഞ്ജയ് ദത്ത്, സോനു സൂദ്, മാനവ് വിജ്, അശുതോഷ് റാണ തുടങ്ങിയവർ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. യാഷ് രാജ് ഫിലിംസ് ആണ് നിർമ്മാണം.
Post Your Comments