ധനുഷിന്റെ ‘തിരുചിത്രമ്പലം’ പ്രദർശനത്തിനൊരുങ്ങുന്നു: പുതിയ ക്യാരക്ടര്‍ ലുക്ക് പുറത്ത്

ധനുഷ് നായകനാകുന്ന ‘തിരുചിത്രമ്പലം’ പ്രദർശനത്തിനൊരുങ്ങുന്നു. ചിത്രം ജൂലൈ ഒന്നിന് പ്രദര്‍ശനത്തിനെത്തും. മിത്രൻ ജവഹറാണ് ചിത്രം സംവിധാനം ചെയ്യുന്നത്. വര്‍ഷ ഭരത്, ശ്രേയസ് ശ്രീനിവാസൻ, മിത്രൻ ജവഹര്‍ എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്. അതേസമയം, ചിത്രത്തിലെ പുതിയൊരു ക്യാരക്ടര്‍ പോസ്റ്റർ കൂടി പുറത്തുവിട്ടു.

നിത്യ മേനോന്റെ ക്യാരക്ടര്‍ ലുക്കാണ് അണിയറപ്രവർത്തകർ പുറത്തുവിട്ടിരിക്കുന്നത്. ‘ശോഭന’ എന്ന കഥാപാത്രത്തെയാണ് നിത്യ മേനോൻ ചിത്രത്തിൽ അവതരിപ്പിക്കുന്നത്. റാഷി ഖന്ന, പ്രിയ ഭവാനി ശങ്കര്‍ എന്നിവരും ചിത്രത്തില്‍ പ്രധാന കഥാപാത്രങ്ങളായി എത്തുന്നു. പ്രകാശ് രാജും ചിത്രത്തിലുണ്ട്.

കലാനിധി മാരനാണ് ചിത്രം നിര്‍മ്മിക്കുന്നത്. അനിരുദ്ധ് രവിചന്ദറാണ് ചിത്രത്തിന്റെ സംഗീതം ഒരുക്കുന്നത്. പ്രസന്ന ജി കെ ചിത്രസംയോജനം നിര്‍വഹിക്കുന്നു. ഓം പ്രകാശാണ് ഛായാഗ്രാകൻ. ‘യാരടി മോഹനി’ എന്ന ചിത്രത്തിന് ശേഷം ധനുഷും മിത്രൻ ജവഹറും ഒന്നിക്കുന്നു എന്നതിനാല്‍ ഏറെ പ്രതീക്ഷയുള്ളതാണ് ‘തിരുചിത്രമ്പലം’.

Meet #Thiruchitrambalam’s Best Friend — Nithya Menen as Shobana@dhanushkraja @anirudhofficial @MithranRJawahar @prakashraaj #Bharathiraja @MenenNithya @RaashiiKhanna_ @priya_Bshankar @omdop @editor_prasanna @jacki_art @theSreyas @kavya_sriram @kabilanchelliah pic.twitter.com/x6pKF3xr1b

— Sun Pictures (@sunpictures) June 10, 2022