സായ് പല്ലവി, റാണാ ദഗ്ഗുബതി എന്നിവരെ കേന്ദ്ര കഥാപാത്രങ്ങളാക്കി വേണു ഉഡുഗുള സംവിധാനം ചെയ്യുന്ന വിരാട പര്‍വത്തിന്റെ ട്രെ‍യ്‍ലർ റിലീസായി. എസ്എല്‍വി സിനിമാസിന്റെ യൂട്യൂബ് ചാനലിലൂടെയാണ് ചിത്രത്തിന്റെ ട്രെ‍യ്‍ലർ പുറത്ത് വിട്ടത്. പ്രണയവും നക്‌സലൈറ്റ് പോരാട്ടങ്ങളുമാണ് ചിത്രത്തിൽ പറയുന്നതെന്നാണ് ട്രെ‍യ്‍ലർ നൽകുന്ന സൂചന. വേണു ഉഡുഗുള തന്നെയാണ് ചിത്രത്തിന്റെ തിരക്കഥ എഴുതുന്നതും. ഡി സുരേഷ് ബാബുവും സുധാകര്‍ ചെറുകുറിയും ചേര്‍ന്നാണ് ചിത്രം നിര്‍മ്മിക്കുന്നത്.
ഒരു ഗ്രാമത്തിലെ നക്‌സലൈറ്റ് പോരാട്ടങ്ങളും അതിന്റെ നേതാവിനോട് ഒരു പെണ്‍കുട്ടിക്ക് തോന്നുന്ന പ്രണയവും അത് അവളേയും നക്‌സലിസത്തിലേക്ക് നയിക്കുന്നതുമാണ് ചിത്രത്തിന്റെ ഇതിവൃത്തം. വെന്നല എന്ന കഥാപാത്രത്തെയാണ് സായ് വല്ലവി അവതരിപ്പിക്കുന്നത്. പ്രിയാ മണിയും സെറീന വഹാബും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. നന്ദിത ദാസ്, ഈശ്വരി റാവു, സായ് ചന്ദ്, നിവേദ, നവീന്‍ ചന്ദ്ര തുടങ്ങിയവരും ചിത്രത്തിൽ അണിനിരക്കുന്നുണ്ട്.
വികരബാദ് വനത്തില്‍ ആയിരുന്നു സിനിമയുടെ ചില ഭാഗങ്ങള്‍ ചിത്രീകരിച്ചത്. ശ്രീകര്‍ പ്രസാദ് ആണ് ചിത്രത്തിന്റെ ചിത്രസംയോജനം നിര്‍വ്വഹിക്കുന്നത്. സുരേഷ് ബൊബ്ബിലി ആണ് ചിത്രത്തിന്റെ സംഗീത സംവിധാനം നിര്‍വ്വഹിക്കുന്നത്.
Post Your Comments