സൂപ്പർ ശരണ്യ എന്ന ചിത്രത്തിൻ്റെ ശ്രദ്ധേയമായ വിജയത്തിനുശേഷം ഷെബിൻ ബക്കർ പ്രൊഡക്ഷൻസും സ്റ്റക്ക് കൗവ്സും ചേർന്നു നിർമ്മിക്കുന്ന പുതിയ ചിത്രമാണ് പൂവൻ. നവാഗതനായ വിനീത് വാസുദേവൻ സംവിധാനം ചെയ്യുന്ന ചിത്രത്തിൻ്റെ ചിത്രീകരണം കണ്ണൂർ ജില്ലയിലെ തളിപ്പറമ്പ്, പയ്യന്നൂർ പ്രദേശങ്ങളിൽ ആരംഭിച്ചു.
ഷെബിൻ ബക്കറും ഗിരീഷ് ഏഡിയുമാണ് നിർമ്മാതാക്കൾ. സൂപ്പർ ശരണ്യ എന്ന ചിത്രത്തിലെ ക്യാമ്പസ് വില്ലനായ അജിത് മേനോനെ അവതരിപ്പിച്ച് പ്രേക്ഷകരുടെ ഏറെ കൈയ്യടി വാങ്ങിയ നടനാണ് സംവിധായകനായ വിനീത് വാസുദേവൻ. പരിയാരത്തിനടുത്തുള്ള സ്ത്രീ സ്ത സെൻ്റ് ആൻ്റണീസ് പള്ളി വികാരി ഫാദർ ജോസഫ് തുണ്ടെ കാരോട്ടും ശ്രീമതി രാജി കെവിയും ചേർന്ന് സ്വിച്ചോൺ കർമ്മം നിർവ്വഹിച്ചതോടെയാണ് ചിത്രീകരണത്തിന് തുടക്കമിട്ടത്.
ശ്രീമതി വീണയാണ് ഫസ്റ്റ് ക്ലാപ്പ് നൽകിയത്. നിരവധി പുതുമുഖങ്ങൾക്ക് അവസരം നൽകിയാണ് ഈ ചിത്രത്തിൻ്റെ അവതരണം. നർമ്മ മുഹൂർത്തങ്ങളിലൂടെ സമൂഹത്തിൻ്റെ കാതലായ വിഷയമാണ് ഈ ചിത്രത്തിലൂടെ ചർച്ച ചെയ്യപ്പെടുന്നത്. ആൻ്റണി വർഗീസ് നായകനായി എത്തുന്ന ഈ ചിത്രത്തിൽ പുതുമുഖങ്ങളായ അനിഷ്മ, അഖില, റിങ്കു എന്നിവർ നായികമാരാകുന്നു.
മണിയൻ പിള്ള രാജു, കലാഭവൻ പ്രചോദ്, വരുൺ ധാരാ, വിനീത് ശ്യാം, വിനീത് ചാക്യാർ, സജിൻ എന്നിവരും പ്രധാന വേഷങ്ങളിലെത്തുന്നു. രചന -വരുൺ ധാരാ. സുഹൈൽ കോയയുടെ വരികൾക്ക് മിഥുൻ മുകുന്ദൻ ഈണം പകർന്നിരിക്കുന്നു. സജിത് പുരുഷൻ ഛായാഗ്രഹണം നിർവ്വഹിക്കുന്നു. എഡിറ്റിംഗ്- ആകാശ് ജോസഫ് വർഗീസ്, കലാസംവിധാനം – സാബു മോഹൻ, കോസ്സ്യും – ഡിസൈൻ – ധന്യാ ബാലകൃഷ്ണൻ, മേക്കപ്പ് – സിനൂപ് രാജ്, ചീഫ് അസ്സോസ്സിയേറ്റ് ഡയറക്ടർ – സുഹൈൽ എം. അസ്സോസ്സിയേറ്റ് ഡയറക്ടേർസ് -വിഷ്ണു ദേവൻ, സനാദ് ശിവരാജ്, സംവിധാന സഹായികൾ: റിസ് തോമസ്, അർജുൻ കെ കിരൺ ജോസി, ഫിനാൻസ് കൺട്രോളർ – ഉദയൻകപ്രശ്ശേരി, പ്രൊഡക്ഷൻ മാനേജേഴ്സ്.- എബി കോടിയാട്ട്, മനുഗ്രിഗറി, പ്രൊഡക്ഷൻ എക്സിക്കുട്ടീവ് – രാജേഷ് മേനോൻ, പ്രൊഡക്ഷൻ കൺട്രോളർ- അലക്സ്, കുര്യൻ,
വാഴൂർ ജോസ്.
ഫോട്ടോ – ആദർശ് സദാനന്ദൻ.
Post Your Comments