ജെയിംസ് കാമറൂൺ ഒരുക്കുന്ന അവതാർ 2വിനായി ലോകമെമ്പാടുമുള്ള സിനിമാ പ്രേമികൾ വൻ പ്രതീക്ഷയോടെയാണ് കാത്തിരിക്കുന്നത്. ഡിസംബറിൽ ചിത്രം തിയേറ്ററിൽ എത്തുമെന്നാണ് അണിയറ പ്രവർത്തകർ അറിയിച്ചിരിക്കുന്നത്. നീല മനുഷ്യരുടെ ഗ്രഹമായ പാൻഡോറയുടെ കഥയാണ് ആദ്യ ഭാഗത്ത് പറഞ്ഞതെങ്കിൽ അവതാർ 2 സമുദ്രത്തിലും പരിസരത്തുമാണ് സജ്ജീകരിച്ചിരിക്കുന്നത്. മെറ്റ്കയിന എന്ന പേരിലുള്ള പാറകളിൽ വസിക്കുന്ന നവിയുടെ ഒരു പുതിയ വംശത്തെയാണ് രണ്ടാം ഭാഗത്തിൽ അവതരിപ്പിക്കുന്നത്.
ഇപ്പോളിതാ, ചിത്രത്തിന്റെ ടീസർ ഓൺലൈനിൽ ലീക്കായിരിക്കുകയാണ്.
എച്ച് ഡി മികവുള്ള ടീസറാണ് ഇന്റർനെറ്റിലൂടെ ലീക്കായത്. പ്രേക്ഷകരെ അത്ഭുതപ്പെടുത്താനുള്ള വകയെല്ലാം ചിത്രത്തിലുണ്ടെന്നാണ് ടീസർ നൽകുന്ന സൂചന. ടീസർ കൂടി പുറത്തെത്തിയതോടെ ആരാധകരുടെ പ്രതീക്ഷ ഇരട്ടിയായി.
അവതാർ 2ന്റെ ചിത്രീകരണം വെള്ളത്തിനടിയിൽ വച്ചാണ് നടന്നത്. ചിത്രീകരണം തുടങ്ങുന്നതിന് മുൻപ് വർഷങ്ങളോളം നീണ്ട സാങ്കേതിക ഗവേഷണം ഇതുമായി ബന്ധപ്പെട്ട് നടന്നിരുന്നു. അഭിനേതാക്കളുടെ പരിശീലനവും വിജയകരമായി പൂർത്തിയാക്കിയതിന് ശേഷമാണ് ഷൂട്ടിംഗ് തുടങ്ങിയത്.
Post Your Comments