ഭർത്താവിൽ നിന്നും നേരിട്ട ക്രൂര പീഡനങ്ങളെക്കുറിച്ചു നടി പൂനം പാണ്ഡെ പലപ്പോഴും തുറന്നു പറഞ്ഞിട്ടുണ്ട്. വിവാഹം കഴിഞ്ഞു നാളുകൾ മാത്രം പിന്നിട്ടപ്പോൾ തന്നെ ഭര്‍ത്താവ് സാം ബോംബെയ്ക്കെതിരെ താരം കേസ് കൊടുത്തത് വാർത്തകളിൽ ഇടം നേടിയിരുന്നു. നീണ്ട നാളത്തെ പ്രണയത്തിനൊടുവിലാണ് പൂനവും സാം ബോംബെയും വിവാഹിതരായത്.
ഇപ്പോഴിതാ, പീഡനങ്ങളെ തുടര്‍ന്ന് മണം തിരിച്ചറിയാനുള്ള ശേഷി നഷ്ടപ്പെട്ടുവെന്ന് പൂനം തുറന്നു പറയുന്നു. ദേശീയ മാധ്യമത്തിന് നല്‍കിയ അഭിമുഖത്തിലാണ് സാം ബോംബെയിൽ നിന്നും നേരിടേണ്ടിവന്ന ക്രൂര പീഡനത്തെക്കുറിച്ച്‌ പൂനം മനസു തുറന്നത്.
‘എനിക്ക് വസ്തുക്കളുടെ മണം അറിയാന്‍ സാധിക്കുന്നില്ല. മറ്റുള്ളവരോട് ചോദിച്ചാണ് ഗന്ധം എന്താണെന്ന് അറിയുന്നത്. ഞാന്‍ നേരിട്ട ഗാര്‍ഹിക പീഡനത്തെ തുടര്‍ന്നാണ് ഘ്രാണശേഷി നഷ്ടമായത്. ബ്രെയിന്‍ ഹെമറേജ് സംഭവിച്ചിരുന്നു. അതിനെ തുടര്‍ന്നാണ് ഗന്ധം നഷ്ടപ്പെട്ടത്.’- പൂനം പാണ്ഡെ പറഞ്ഞു.
‘ഒരേ സ്ഥലത്തു തന്നെ തുടര്‍ച്ചയായി അടിക്കുന്നതിനാല്‍ പരിക്ക് ഭേദമാകാറില്ല. ഞാന്‍ എന്റെ വളര്‍ത്തു മൃഗങ്ങളെ സ്നേഹിക്കുകയോ അവയ്ക്കൊപ്പം കിടക്കുകയോ ചെയ്താല്‍ അയാളേക്കാള്‍ അധികം ഞാന്‍ എന്റെ നായയെ സ്നേഹിക്കുന്നുണ്ടെന്ന് പറയും. എന്റെ വളര്‍ത്തു മൃഗങ്ങളെ സ്നേഹിക്കുന്നതിന് ഞാന്‍ എന്തിനാണ് പീഡനം ഏറ്റുവാങ്ങുന്നത്. സെറിബ്രല്‍ ഹെമറേജ് ഏല്‍ക്കാനുള്ള ഒരു കാരണമാണോ ഇത്?’- പൂനം ചോദിച്ചു.
Post Your Comments