മാർവൽ സിനിമാറ്റിക്ക് യൂണിവേഴ്സിന്റെ ആരാധകർ ഏറെ പ്രതീക്ഷയോടെ കാത്തിരിക്കുന്ന ‘ഡോക്ടര്‍ സ്‌ട്രേഞ്ച് ഇന്‍ ദി മള്‍ട്ടിവേഴ്സ് ഓഫ് മാഡ്നെസ് ‘. സാം റൈമി സംവിധാനം ചെയ്യുന്ന ചിത്രത്തിന്റെ തിരക്കഥ ഒരുക്കിയത് ജേഡ് ഹാലി ബാര്‍ട്ട്ലെറ്റും മൈക്കല്‍ വാള്‍ഡ്രോണും ചേര്‍ന്നാണ്. സ്‌പൈഡർമാൻ നോ വേ ഹോമിന് ശേഷം നടക്കുന്ന ചില സംഭവങ്ങളാണ് സിനിമയുടെ പ്രമേയം എന്ന് അഭ്യൂഹങ്ങളുണ്ട്. മാര്‍വല്‍ സിനിമാറ്റിക്ക് യൂണിവേഴ്സിന്റെ 28-ാമത്തെ ചിത്രമാണിത്.
ഇപ്പോളിതാ, ചിത്രത്തിന്റെ പുതിയ പ്രോമോ വീഡിയോ പുറത്ത് വിട്ടിരിക്കുകയാണ് അണിയറ പ്രവർത്തകർ. റിലീസ് ചെയ്ത് മണിക്കൂറുകൾക്കകം തന്നെ നാല് മില്യൺ കാഴ്ചക്കാരുമായി പ്രോമോ കുതിക്കുകയാണ്. വൻ വരവേൽപ്പാണ് പ്രോമോയ്ക്ക് ആരാധകർ നൽകിയത്. ചിത്രത്തിനായി അക്ഷമരായി കാത്തിരിക്കുകയാണ് എന്നാണ് വീഡിയോയ്ക്ക് താഴെ വന്ന കമന്റുകൾ. മെയ് ആറിനാണ് ചിത്രം റിലീസ് ചെയ്യുന്നത്. എന്നാൽ, പ്രീബുക്കിങ്ങിലൂടെ ഇതുവരെ 10 കോടിയിലധികം രൂപ ലഭിച്ചുവെന്നാണ് റിപ്പോർട്ടുകൾ.
Post Your Comments