നടനും രാജ്യസഭാ എംപിയുമായ സുരേഷ് ഗോപിയുടെ ഓട്ടോ യാത്രയാണ് ഇപ്പോൾ സമൂഹമാധ്യമങ്ങളിൽ ചർച്ചയാവുന്നത്. കൊച്ചിയിലെ ബിടിഎച്ച് ഹോട്ടലിൽ സംഘടിപ്പിച്ച പരിപാടിയിൽ പങ്കെടുക്കാനാണ് സുരേഷ് ഗോപി ഓട്ടോയിൽ എത്തിയത്. കാറിൽ എത്തുന്ന താരത്തേയും നോക്കിയിരുന്ന സംഘാടകരുടെ മുന്നിലേക്കാണ് സുരേഷ് ഗോപിയുടെ ഓട്ടോ എൻട്രി.
ഇന്നലെ വൈകിട്ട് മൂന്ന് മണിക്ക് ബിടിഎച്ച് ഹോട്ടലിൽ വച്ച് നടന്ന വിഎച്ച്പി സ്വാഭിമാൻ നിധി ഉദ്ഘാടന പരിപാടിക്ക് എത്താമെന്ന് സുരേഷ് ഗോപി അറിയിച്ചിരുന്നു. എന്നാൽ, ആ സമയത്ത് കലൂരിൽ ‘അമ്മ’യുടെ ചടങ്ങിൽ ആയിരുന്നു താരം. നാലു മണിയോടെ അവിടെ നിന്ന് ഇറങ്ങി. അപ്പോഴാണ്, എംജി റോഡിലും മറ്റും വലിയ ഗതാഗതക്കുരുക്കാണെന്ന് അറിയുന്നത്. അതോടെ, തന്റെ വാഹനം അവിടെ ഇട്ട് യാത്ര ഓട്ടോയിലാക്കി. അരമണിക്കൂർ കൊണ്ടാണ് ഓട്ടോ കലൂരിൽ നിന്ന് ബിടിഎച്ചിലെത്തിയത്. കാറിൽ വരുന്ന താരത്തെ നോക്കിയിരുന്ന സംഘാടകരെയെല്ലാം അമ്പരപ്പിച്ചുകൊണ്ടായിരുന്നു സിനിമാ സ്‌റ്റൈലിൽ സുരേഷ് ഗോപിയുടെ വരവ്.
അതേസമയം, സ്ഥലത്ത് ചെന്നിറങ്ങിയപ്പോൾ മാത്രമാണ് ഓട്ടോ ഡ്രൈവർ സുരേഷ് ഗോപിയെ തിരിച്ചറിഞ്ഞതെന്നാണ് സമൂഹമാധ്യമങ്ങളിൽ പറയുന്നത്.
Post Your Comments