ജയസൂര്യയെ നായകനാക്കി നവാഗതനായ അഭിജിത്ത് ജോസഫ് തിരക്കഥയെഴുതി സംവിധാനം ചെയ്ത ചിത്രമാണ് ‘ജോൺ ലൂഥർ’. അലോൻസ ഫിലിംസിന്റെ ബാനറിൽ തോമസ് പി മാത്യുവും ക്രിസ്റ്റീന തോമസും ചേർന്നാണ് ചിത്രം നിർമ്മിച്ചിരിക്കുന്നത്. ഇൻവെസ്റ്റിഗേഷൻ ത്രില്ലറായി ഒരുങ്ങുന്ന സിനിമ മെയ് 27 ന് തീയറ്ററുകളിൽ റിലീസ് ചെയ്യും. സെഞ്ച്വറി റിലീസാണ് ചിത്രം വിതരണം ചെയ്യുന്നത്.
അടുത്തിടെ പുറത്തിറങ്ങിയ ചിത്രത്തിന്റെ ട്രെയ്ലർ ഏറെ ശ്രദ്ധിക്കപ്പെട്ടിരുന്നു. ജോൺ ലൂഥറിന്റെ ലോകത്തെയും അദ്ദേഹത്തിന്റെ കുറ്റാന്വേഷണ യാത്രയെയും സൂചിപ്പിക്കുന്നതായിരുന്നു ട്രെയ്ലർ. അറുപത് ലക്ഷത്തിലധികം കാഴ്ചക്കാരുമായി യൂട്യൂബിൽ തരംഗമായി മാറിയ ട്രെയിലറിന് സിനിമ ആസ്വാദകർക്കിടയിലും പ്രേക്ഷകർക്കിടയിലും മികച്ച സ്വീകാര്യതയാണ് ലഭിച്ചത്.
ദീപക് പറമ്പോൽ, സിദ്ദിഖ്, ശ്രീലക്ഷ്മി, ആത്മിയ രാജൻ, ദൃശ്യ രഘുനാഥ്, ശിവദാസ് കണ്ണൂർ, ശ്രീകാന്ത് മുരളി, പ്രമോദ് വെളിയനാട് എന്നിവരും ചിത്രത്തിൽ അണിനിരക്കുന്നുണ്ട്. റോബി വർഗീസ് രാജ് ഛായാഗ്രഹണവും പ്രവീൺ പ്രഭാകർ ചിത്രസംയോജനവും നിർവഹിച്ചിരിക്കുന്നു. സംഗീതവും പശ്ചാത്തല സംഗീതവും ഒരുക്കിയത് ഷാൻ റഹ്മാനാണ്.
പ്രൊഡക്ഷൻ കൺട്രോളർ പ്രവീൺ ബി മേനോനാണ്. സൗണ്ട് ഡിസൈനിംഗ് വിക്കിയും, കിഷനും ചേർന്നാണ് നിർവ്വഹിച്ചിരിക്കുന്നത്. എം ആർ രാജാകൃഷ്ണൻ ഓഡിയോഗ്രഫിയും അജയ് മാങ്ങാട് കലാസംവിധാനവും നിർവ്വഹിക്കുന്നു. സരിത ജയസൂര്യയാണ്, ജയസൂര്യയ്ക്ക് വേണ്ടി വസ്ത്രാലങ്കാരം നിർവ്വഹിച്ചിരിക്കുന്നത്. മറ്റ് താരങ്ങളുടെ വസ്ത്രാലങ്കാരം സമീറ സനീഷാണ്. പിആർഒ- നവീൻ മുരളി.
Post Your Comments