തെന്നിന്ത്യൻ താരം വിക്രം നായകനാകുന്ന പുതിയ ചിത്രമാണ് ‘കോബ്ര’. ആർ.അജയ് ജ്ഞാനമുത്തു സംവിധാനം ചെയ്യുന്ന ചിത്രത്തിൽ ഉഗ്രൻ മേക്ക്ഓവറിലാണ് വിക്രം എത്തുന്നത്. ‘കെജിഎഫി’ലൂടെ സുപരിചിതയായ ശ്രീനിധി ഷെട്ടിയാണ് നായിക . ചിത്രത്തിലെ ‘അധീരാ അധീരാ’ എന്ന് തുടങ്ങുന്ന ഗാനം പുറത്ത് വിട്ടിരിക്കുകയാണ് അണിയറ പ്രവർത്തകർ. എ.ആർ റഹ്മാനാണ് ഗാനത്തിന് സംഗീതം പകർന്നത്. വിക്രമിന്റെ വിവിധ ഗെറ്റപ്പുകളും പാട്ടിൽ കാണിക്കുന്നുണ്ട്.
റിലീസായി മണിക്കൂറുകൾക്കുള്ളിൽ തന്നെ ഗാനം ആരാധകർ ഏറ്റെടുത്തിരിക്കുകയാണ്. സെവൻ സ്ക്രീൻ സ്റ്റുഡിയോയുടെ ബാനറിൽ എസ്.എസ്. ലളിത് കുമാർ ആണ് ചിത്രം നിർമ്മിക്കുന്നത്. ഹരീഷ് കണ്ണനാണ് ഛായാഗ്രഹണം. ഭുവന്‍ ശ്രീനിവാസന്‍ എഡിറ്റിങ്ങ്. ആക്ഷന്‍ കൊറിയോഗ്രാഫി ദിലീപ് സുബ്ബരായന്‍.
ഇന്ത്യൻ ക്രിക്കറ് താരമായ ഇർഫാൻ പത്താനും സിനിമയിൽ പ്രധാന കഥാപാത്രത്തെ അവതരിപ്പിക്കുന്നുണ്ട്. ബാബു ആന്റണിയും ചിത്രത്തിലെ പ്രധാനമായ ഒരു വേഷത്തില്‍ എത്തുന്നു. മൃണാളിനി, പദ്മപ്രിയ, മലയാളി താരങ്ങളായ മാമുക്കോയ, റോഷന്‍ മാത്യൂസ്, ഹരീഷ് പേരടി തുടങ്ങിയ വന്‍താരനിര തന്നെ ചിത്രത്തിൽ അണിനിരക്കുന്നുണ്ട്.
Post Your Comments