അഹമ്മദ് ഗോൾചെക്ക് ഒപ്പമുള്ളത് മലയാളത്തിലെ കുലീനരും: പരിഹസിച്ച് ശ്രീജിത്ത് പെരുമന

കൊച്ചി : നടിയെ ആക്രമിച്ച കേസിൽ നടന്‍ ദിലീപും ഇറാന്‍ വംശജനായ ദാവൂദിന്റെ കൂട്ടാളി അഹമ്മദ് ഗൊല്‍ച്ചനുമായുള്ള ബന്ധം അന്വേഷിക്കണമെന്ന ബാലചന്ദ്രകുമാറിന്റെ ആവശ്യത്തെ പരിഹസിച്ച് അഭിഭാഷകൻ ശ്രീജിത്ത് പെരുമന. ദിലീപും ഇറാന്‍ വംശജനായ ദാവൂദിന്റെ കൂട്ടാളി അഹമ്മദ് ഗൊല്‍ച്ചനുമായുള്ള ബന്ധം അന്വേഷിക്കുമ്പോൾ മലയാള സിനിമയിലെ സൂപ്പർ സ്റ്റാറുകളും ദാവൂദിന്റെ കൂട്ടാളി അഹമ്മദ് ഗൊല്‍ച്ചനുമായുള്ള ബന്ധങ്ങളും ഇടപാടുകളും അനേഷിക്കണമെന്നു സോഷ്യൽ മീഡിയ പോസ്റ്റിൽ ശ്രീജിത്ത് പെരുമന പറയുന്നു.

കുറിപ്പ് പൂർണ്ണ രൂപം

നടിയെ ആക്രമിച്ച കേസിലെ പ്രതിയായ നടന്‍ ദിലീപിന് ഇറാന്‍ വംശജനായ ദാവൂദ്ന്റെ കൂട്ടാളി അഹമ്മദ് ഗൊല്‍ച്ചനുമായുള്ള ബന്ധം അന്വേഷിക്കണമെന്ന് ബാലചന്ദ്രകുമാറും റിപ്പോർട്ടർ ടീവിയും. കേസിലെ സാക്ഷികളെ മൊഴി മാറ്റാന്‍ ഗൊല്‍ച്ചിന്‍ സഹായിച്ചിട്ടുണ്ടോയെന്നും പരിശോധിക്കുമെത്രെ ❗️
ആകട്ടെ അന്വേഷിക്കട്ടെ, ഇന്റർപ്പോളിനെ കൊണ്ടുവന്ന് അന്വേഷിക്കട്ടെ പക്ഷെ മറ്റ് ചിലതുകൂടി അന്വേഷിക്കണം..

read also: കാവ്യയാണ് മാഡമെന്ന് അന്വേഷണ സംഘം പറഞ്ഞാല്‍ ആ നിമിഷം കേസ് താഴെ വീഴും: ചില പോയിന്റുകൾ ചൂണ്ടിക്കാണിച്ച് രാഹുല്‍ ഈശ്വര്‍

അതായത് മലയാള സിനിമയിലെ സൂപ്പർ സ്റ്റാറുകളും ദാവൂദ്ന്റെ കൂട്ടാളി അഹമ്മദ് ഗൊല്‍ച്ചനുമായുള്ള ബന്ധങ്ങളും ഇടപാടുകളും ❓️
മമ്മൂട്ടിയുടെ “മാമാങ്കവും” മോഹൻലാലിന്റെ “ലൂസിഫറും” ദൃശ്യവും, അറബിക്കടലിന്റെ സിംഹവും, സുരേഷ് ഗോപിയുടെയും ദുൽഖരിന്റെയും “വരനെ ആവശ്യമുണ്ട് ” തുടങ്ങി പൃഥ്വിരാജിന്റെ “ഡ്രൈവിങ് ലൈസൻസ്” ഉൾപ്പെടെ താര രാജാക്കൻമാരുടെ സിനിമകളെല്ലാം റിലീസ് ചെയ്യുന്നത് ദാവൂദ്ന്റെ കൂട്ടാളി അഹമ്മദ് ഗൊല്‍ച്ചനാണ് “phars films ” എന്തുകൊണ്ട്❓️

ആന്റണി പെരുമ്പാവൂരും, മോഹൻലാലും, മമ്മൂട്ടിയും ഗോൽച്ഛനെ നേരിട്ട് കണ്ടിട്ടാണ് ബിസിനസ്സ് ചെയ്യാറുള്ളത്..
ഫെയിസ്ബുക്ക് ഉൾപ്പെടെയുള്ള സാമൂഹിക മാധ്യമങ്ങളിൽ ദാവൂദ്ന്റെ കൂട്ടാളി അഹമ്മദ് ഗൊല്‍ച്ചനു നേരിട്ട് ജന്മദിന ആശംസകൾ നേർന്നിട്ടുള്ള താരങ്ങൾ മമ്മൂട്ടിയും മോഹൻലാലുമാണ് ❓️

എന്താണ് താരരാജാക്കന്മാരും ടാവൂദുമായുള്ള ബന്ധം ❓️ മലയാള സിനിമയുമായുള്ള ബന്ധം ❓️ ദിലീപിന്റെ ബന്ധം അന്വേഷിക്കുന്നതിന്റെ കൂടെ വെറുതെയെങ്കിലും അന്വേഷിക്കണം

ഇനി അങ്ങനൊരു അന്വേഷണത്തിന് ബുദ്ധിമുട്ടുണ്ടാകും എന്ന് മനസിലാക്കികൊണ്ട് ഞാനൊരു പരാതി ഇക്കാര്യത്തിൽ കേന്ദ്രത്തിനും കേരളത്തിനും കൊടുക്കാനും തീരുമാനിച്ചു. ഈ ഇറാൻ, അധോലോക ബന്ധം നമുക്കുമൊന്ന് അറിഞ്ഞിരിക്കുമല്ലോ ല്ലേ

(ഇതോടൊപ്പമുള്ള ചിത്രത്തിലെ നരച്ച താടിയുള്ള കുലീനനായ മനുഷ്യനാണ് അഹമ്മദ് ഗോൾചെൻ, ഒപ്പമുള്ളത് മലയാളത്തിലെ കുലീനരും. ഗോൾചെൻ എന്നാൽ ഫാദർ ഓഫ് ഫിലിം ഇൻ മിഡിൽ ഈസ്റ്റ് )

അഡ്വ ശ്രീജിത്ത്‌ പെരുമന