‘ആ തമാശ എനിക്ക് താങ്ങാനാവുന്നതിലും അപ്പുറമായിരുന്നു, എനിക്ക് ലജ്ജ തോന്നുന്നു’: ക്രിസിനോട് മാപ്പ് പറഞ്ഞ് വിൽ സ്മിത്ത്

ഓസ്കാർ സമർപ്പണ വേദിയിൽ അവതാരകൻ ക്രിസ് റോക്കിന്റെ മുഖത്തടിച്ച സംഭവത്തിൽ ക്ഷമ ചോദിച്ച് നടൻ വിൽ സ്മിത്ത്. സ്നേഹത്തിന്റെയും സഹാനുഭൂതിയുടെയും ലോകത്ത് അക്രമത്തിനു സ്ഥാനമില്ലെന്നും, ക്രിസിനോട് പരസ്യമായി മാപ്പ് പറയുകയാണെന്നും അദ്ദേഹം വ്യക്തമാക്കി. ഓസ്കാർ വേദിയിൽ വെച്ച് ക്രിസ് നടത്തിയ തമാശ തനിക്ക് താങ്ങാനാവുന്നതിലും അപ്പുറമായിരുന്നുവെന്നും, അതിനാലാണ് വികാരഭരിതനായി പ്രതികരിക്കേണ്ടി വന്നതെന്നും സ്മിത്ത് പറയുന്നു. ഫേസ്‌ബുക്ക് പേജിലൂടെയായിരുന്നു വിൽ സ്മിത്ത് ക്ഷമാപണ കുറിപ്പ് പങ്കുവെച്ചത്.

വിൽ സ്മിത്തിന്റെ കുറിപ്പിന്റെ പൂർണരൂപം:

അക്രമം ഏത് രൂപത്തിലായാലും അത് വിഷവും വിനാശകരവുമാണ്. കഴിഞ്ഞ രാത്രിയിൽ അവാർഡ് ദാന ചടങ്ങിൽ വെച്ചുണ്ടായ എന്റെ പെരുമാറ്റം അസ്വീകാര്യവും ക്ഷമിക്കാനാകാത്തതുമായിരുന്നു. എന്നെപ്പറ്റിയുള്ള തമാശകൾ എന്റെ ജോലിയുടെ ഭാഗമാണ്, പക്ഷേ ജെയ്ഡയുടെ ആരോഗ്യസ്ഥിതിയെക്കുറിച്ചുള്ള തമാശ എനിക്ക് താങ്ങാനാവുന്നതിലും അപ്പുറമായിരുന്നു, ഞാൻ വൈകാരികമായി പ്രതികരിച്ചു. ക്രിസ്, നിന്നോട് പരസ്യമായി മാപ്പ് പറയാൻ ഞാൻ ആഗ്രഹിക്കുന്നു. എനിക്ക് തെറ്റി. ഞാൻ ലജ്ജിക്കുന്നു. എന്നെപ്പോലെയൊരാളിൽ നിന്നു പ്രതീക്ഷിക്കുന്ന പെരുമാറ്റമല്ല എന്നിൽ നിന്നുമുണ്ടായത്.

സ്നേഹത്തിന്റെയും ദയയുടെയും ലോകത്ത് അക്രമത്തിന് സ്ഥാനമില്ല. അക്കാദമിയോടും ഷോയുടെ നിർമ്മാതാക്കളോടും പങ്കെടുത്തവരോടും ലോകമെമ്പാടുമുള്ള എല്ലാവരോടും ക്ഷമാപണം നടത്താൻ ഞാൻ ആഗ്രഹിക്കുന്നു. വില്യംസ് കുടുംബത്തോടും എന്റെ റിച്ചാർഡ് രാജാവിന്റെ കുടുംബത്തോടും മാപ്പ് പറയാൻ ഞാൻ ആഗ്രഹിക്കുന്നു. അതിമനോഹരമായ ഒരു യാത്ര എന്റെ പ്രവൃത്തിയാൽ മലീമസമായതിൽ ഞാൻ ഖേദിക്കുന്നു. ഞാൻ എന്നെ തന്നെ സ്വയം മെച്ചപ്പെടുത്തുവാൻ ആഗ്രഹിക്കുന്നു.