കൊച്ചി: ടൊവിനോ നായകനായി അഭിനയിക്കുന്ന ‘തല്ലുമാല’ എന്ന ചിത്രത്തിനെ ചിത്രീകരണ സ്ഥലത്ത് സംഘര്‍ഷം. വെയ്സ്റ്റ് ഇടുന്നത് ചോദ്യം ചെയ്ത നാട്ടുകാരനെ നടൻ ഷൈന്‍ ടോം ചാക്കോ കയ്യേറ്റം ചെയ്‌തെന്ന ആരോപണമുയര്‍ന്നതിനെ തുടര്‍ന്നാണ് വാക്കേറ്റവും ഉന്തും തള്ളും ഉണ്ടായത്. എച്ച്എംഡി മാപ്പിളാസ് ഗോഡൗണില്‍ വെച്ച് സിനിമയുടെ ചിത്രീകരണം നടക്കവേയാണ് സംഘര്‍ഷമുണ്ടായത്.
സ്ഥലത്ത് വെയ്സ്റ്റ് ഇടുന്നതിനേയും പൊതുനിരത്തില്‍ വണ്ടി പാര്‍ക്ക് ചെയ്തതിനേയും നാട്ടുകാര്‍ ചോദ്യം ചെയ്തു. ഇവരുമായി ചിത്രത്തിന്റെ അണിയറപ്രവര്‍ത്തകരും ഷൈനും ചേര്‍ന്ന് വാക്കേറ്റം നടത്തിയതായാണ് ആരോപണം. തര്‍ക്കത്തിനിടയിക്ക് നടൻ ടൊവിനോയും ഇടപെട്ടതോടെ സ്ഥലത്ത് സംഘര്‍ഷാവസ്ഥ ഉടലെടുക്കുകയായിരുന്നു. തുടർന്ന്, സ്ഥലത്ത് എത്തിയ പൊലീസ് ഇരുകൂട്ടരുമായി സംസാരിച്ച് സ്ഥിതിഗതികള്‍ ശാന്തമാക്കുകയായിരുന്നു.
ഖാലിദ് റഹ്മാൻ സംവിധാനം ചെയ്യുന്ന ചിത്രത്തിന് കഥയൊരുക്കുന്നത് മുഹ്‌സിന്‍ പരാരിയും അഷ്‌റഫ് ഹംസയും ചേര്‍ന്നാണ്. കല്യാണി പ്രിയദര്‍ശന്‍ നായികയാകുന്ന ചിത്രത്തിൽ ഷൈന്‍ ടോം ചാക്കോ, ലുക്മാന്‍, ചെമ്പന്‍ വിനോദ് ജോസ് തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
Post Your Comments