ഹൈദരാബാദ്: ഹിറ്റ് ചിത്രങ്ങളായ ‘രുദ്രമാ ദേവി’, ‘ജയ് ലവ കുശ’ എന്നിവയിലൂടെ ശ്രദ്ധ നേടിയ തെലുങ്ക് നടിയാണ് ഹംസനന്ദിനി. കഴിഞ്ഞ ഡിസംബറിലാണ് തനിക്ക് സ്തനാര്‍ബുദം ആണെന്ന വിവരം ഹംസനന്ദിനി സോഷ്യല്‍ മീഡിയയിലൂടെ പങ്കുവച്ചത്. 18 വര്‍ഷം മുമ്പ് തന്റെ അമ്മയെ ഇല്ലാതാക്കിയ രോഗം തന്നെയും വേട്ടയാടുന്നു എന്നാണ് ഹംസനന്ദിനി പറഞ്ഞത്. പ്രശസ്തിയുടെ കൊടുമുടിയിൽ നിൽക്കുമ്പോൾ കാൻസർ ബാധിതയായി ചികിത്സയിലേക്ക് കടന്ന ഹംസനന്ദിനി, താന്‍ ഇപ്പോള്‍ ഔദ്യോഗികമായി കീമോ സര്‍വൈവറാണെന്ന് വ്യക്തമാക്കുന്നു.
പതിനാറ് കീമോകള്‍ പൂര്‍ത്തിയാക്കിയതിന്റെ സന്തോഷം ഹംസനന്ദിനി സോഷ്യല്‍ മീഡിയ പോസ്റ്റിലൂടെ പങ്കുവച്ചു . ഒപ്പം ആശുപത്രിയില്‍ നിന്നുള്ള ചിത്രങ്ങളു നടി പങ്കുവച്ചിട്ടുണ്ട്.
‘അങ്ങനെ ഞാന്‍ 16 കീമോകള്‍ പൂര്‍ത്തിയാക്കി. ഞാനിപ്പോള്‍ ഔദ്യോഗികമായി കീമോ സര്‍വൈവറാണ്. പക്ഷേ തീര്‍ന്നിട്ടില്ല. ഞാന്‍ ഇതുവരെ വിജയിച്ചിട്ടില്ല. അടുത്ത യുദ്ധത്തിന് തയ്യാറെടുക്കേണ്ട സമയമാണിത്. ശസ്ത്രക്രിയകള്‍ക്കുള്ള സമയമാണിത്. ഹംസന്ദിനി പറയുന്നു.
ചിലര്‍ തെറ്റായ പ്രചാരണങ്ങളാണ് നടത്തുന്നത്, ശത്രുക്കളോട് പോലും ഇങ്ങനെ ചെയ്യരുത്: ജോണി ആന്റണി
തനിക്ക് ക്യാന്‍സര്‍ ആണെന്ന് അറിയിച്ച് പങ്കുവച്ച ഹംസനന്ദിനി കുറിപ്പിന്റെ പൂർണ്ണരൂപം;
‘ജീവിതം എനിക്കായി എന്ത് കാത്തുവച്ചാലും അത് എത്ര നീതിയുക്തമല്ലെങ്കിലും ഇര എന്ന പേര് സ്വീകരിക്കാന്‍ ഞാന്‍ വിസമ്മതിക്കും. ഭയം, അശുഭാപ്തിവിശ്വാസം, നിഷേധാത്മകത എന്നിവയാല്‍ ഭരിക്കപ്പെടാന്‍ ഞാന്‍ എന്നെ അനുവദിക്കില്ല. പിന്മാറാന്‍ ഞാന്‍ തയ്യാറാവില്ല. ധൈര്യത്തോടെയും സ്നേഹത്തോടെയും ഞാന്‍ മുന്നോട്ട് കുതിക്കും. നാല് മാസം മുമ്പ് എന്റെ നെഞ്ചില്‍ ഒരു ചെറിയ മുഴ അനുഭവപ്പെട്ടു. ആ നിമിഷം തന്നെ ഞാനറിഞ്ഞു, എന്റെ ജീവിതം ഒരിക്കലും പഴയതുപോലെ ആകില്ലെന്ന്.
പതിനെട്ട് വര്‍ഷം മുമ്പ് എനിക്ക് എന്റെ അമ്മയെ ഒരു ഭയാനകമായ രോഗത്താല്‍ നഷ്ടപ്പെട്ടു. അതിനുശേഷം ഞാന്‍ അതിന്റെ ഇരുണ്ട നിഴലില്‍ ജീവിച്ചു. ഞാന്‍ ഭയന്നിരുന്നു. ഏതാനും മണിക്കൂറുകള്‍ക്കുള്ളില്‍, ഞാന്‍ ഒരു മാമോഗ്രാഫി ക്ലിനിക്കിലെത്തി, മുഴ പരിശോധിച്ചു. എനിക്ക് ഒരു ബയോപ്‌സി ആവശ്യമാണെന്ന് സര്‍ജിക്കല്‍ ഓങ്കോളജിസ്റ്റ് വ്യക്തമാക്കി. ബയോപ്‌സി എന്റെ എല്ലാ ഭയങ്ങളും സ്ഥിരീകരിച്ചു.
സൂപ്പർ താരങ്ങളെ മറികടന്ന് റെക്കോർഡ് കളക്ഷനുമായി ‘വലിമൈ’
എനിക്ക് ഗ്രേഡ് III ഇന്‍വേസീവ് കാര്‍സിനോമ ഉണ്ടെന്ന് കണ്ടെത്തി. നിരവധി സ്‌കാനുകള്‍ക്കും പരിശോധനകള്‍ക്കും ശേഷം, എന്റെ ട്യൂമര്‍ നീക്കം ചെയ്യാന്‍ ഓപ്പറേഷന്‍ തിയേറ്ററിലേക്ക് ഞാന്‍ ധൈര്യത്തോടെ നടന്നു. എന്നാൽ എനിക്ക് പാരമ്പര്യ സ്തനാര്‍ബുദം ഉണ്ടെന്ന് കണ്ടെത്തി. ജയം ഉറപ്പിക്കുന്നതിന് മുമ്പ് ഞാന്‍ വിധേയമാകേണ്ട വിപുലമായ ചില പ്രതിരോധ ശസ്ത്രക്രിയകളാണ് അപകടസാധ്യത ലഘൂകരിക്കാനുള്ള ഏക മാര്‍ഗം.
നിലവില്‍, ഞാന്‍ 9 കീമോതെറാപ്പികള്‍ ചെയ്തു. 7 എണ്ണം കൂടി ബാക്കിയുണ്ട്. എന്റെ ജീവിതത്തെ നിര്‍വചിക്കാന്‍ ഈ രോഗത്തെ ഞാന്‍ അനുവദിക്കില്ല. ഒരു പുഞ്ചിരിയോടെ ഞാന്‍ അതിനെതിരെ പോരാടും. കൂടുതല്‍ കരുത്തയായി സ്‌ക്രീനില്‍ തിരിച്ചെത്തും. മറ്റുള്ളവരെ ബോധവത്കരിക്കാന്‍, അവര്‍ക്ക് പ്രചോദനം നല്‍കാന്‍ എന്റെ കഥ ഞാന്‍ പറയും. ഞാന്‍ ബോധപൂര്‍വ്വം ജീവിതവും അത് വാഗ്ദാനം ചെയ്യുന്നതെല്ലാം ആഘോഷിക്കും.’
Post Your Comments