മലയാള സിനിമയുടെ കാരണവരായി കണക്കാക്കുന്ന അതുല്യ പ്രതിഭയാണ് മധു. ഒരുപാട് വേഷങ്ങള്‍ ആടിതീര്‍ത്ത ശേഷം ഇപ്പോള്‍ അഭിനയ ജീവിതത്തില്‍ നിന്ന് മാറി നില്‍ക്കുകയാണ് അദ്ദേഹം. മാറി നിന്ന സമയത്തും ഒരുപാട് പേര്‍ സിനിമയുമായി അദ്ദേഹത്തെ സമീപിച്ചിരുന്നു എങ്കിലും എല്ലാം മധു വേണ്ടെന്ന് വെയ്ക്കുകയായിരുന്നു.
ഇപ്പോൾ ലൂസിഫര്‍, മരക്കാര്‍ തുടങ്ങിയ സിനിമകളിൽ നിന്നും വിട്ടു നിന്നതിനെ കുറിച്ച് അഭിനയത്തില്‍ നിന്നും പൂര്‍ണമായി വിട്ടു നില്‍ക്കാന്‍ തീരുമാനിച്ചോ എന്ന ചോദ്യത്തിനാണ് മധു സ്റ്റാര്‍ ആന്‍ഡ് സ്‌റ്റൈലിനോട് പ്രതികരിച്ചത്.
മധുവിന്റെ വാക്കുകൾ :
‘അഭിനയത്തോടുള്ള താല്‍പ്പര്യം അവസാനിക്കുന്നില്ല. അത്രയേറെ മോഹിപ്പിക്കുന്ന ഒരു വേഷം വന്നാല്‍ നോക്കാം. ഇതുവരെ ചെയ്തതില്‍ നിന്ന് വ്യത്യസ്തമായി എന്തെങ്കിലും ചെയ്യാനുണ്ടെങ്കില്‍ മാത്രം. അതും ആരോഗ്യം അനുവദിക്കുമെങ്കില്‍.
രണ്ടു വര്‍ഷം മുമ്പ് മമ്മൂട്ടി നേരിട്ടുവന്ന് അദ്ദേഹത്തിന്റെ സിനിമയിലേക്ക് ക്ഷണിച്ചിരുന്നു. വണ്‍ സിനിമയുടെ ചിത്രീകരണത്തിനിടെയാണ് മമ്മൂട്ടി വീട്ടില്‍ വന്നത്. പിറന്നാള്‍ കേക്കുമായാണ് മോഹന്‍ലാല്‍ മുമ്പ് എത്തിയത്. ഞങ്ങളൊരുമിച്ച് അന്ന് കേക്ക് മുറിച്ചു.
മമ്മൂട്ടി, മോഹന്‍ലാല്‍ തുടങ്ങി ജയറാം, ദിലീപ് വരെയുള്ളവരുമായി നല്ല അടുപ്പമാണ്. സിനിമയിലെ പുതിയ കുട്ടികളുമായി അധികം ഇടപഴകി പ്രവര്‍ത്തിച്ചിട്ടില്ല. പുതുതലമുറയില്‍ ആസിഫ് അലിയോടൊപ്പം അഭിനയിച്ചു. കോവിഡ് കാലം ശക്തമാകുന്നതിനു മുമ്പ് പലരും കാണാന്‍ വരാറുണ്ടായിരുന്നു.’
Post Your Comments