കൂടെവിടെ എന്ന പരമ്പരയിലെ സൂര്യ കൈമള്‍ എന്ന നായികായി എത്തിയ മിനിസ്ക്രീൻ പ്രേക്ഷകരുടെ പ്രിയപ്പെട്ട നടിയാണ് അൻഷിത അഞ്ജി. തന്റെ യൂട്യൂബ് ചാനലിലൂടെ ആരാധകരുമായി നിരന്തരം ഇടപെടുന്ന താരം ഇപ്പോഴിതാ തന്റെ വീഡിയോയ്ക്ക് ലഭിച്ച നെഗറ്റീവ് കമന്റുകള്‍ക്ക് മറുപടിയുമായി എത്തിയിരിക്കുകയാണ് .
താരത്തിന്റെ വാക്കുകള്‍:
ഞാന്‍ കുറച്ച് കലിപ്പിലാണ്. ചില പേഴ്‌സണല്‍ കാര്യം സംസാരിക്കാനാണ് വന്നത്. കഴിഞ്ഞ ദിവസം എന്റെ വീട്ടിലെ നൂല്‌കെട്ടിന്റെ വീഡിയോ ഇട്ടിരുന്നു. ആ വീഡിയോയുടെ കമന്റുകള്‍ കണ്ടിട്ട് എന്താണ് സംഭവമെന്ന് ഞാന്‍ ചിന്തിച്ചു പോയി. പൊതുവെ ഞാന്‍ നെഗറ്റീവ് കമന്റുകള്‍ക്ക് മറുപടി നല്‍കാറില്ല. അതിനെ പ്രോത്സാഹിപ്പിക്കണ്ട എന്നാണ് തീരുമാനം. പക്ഷെ ഇത് എന്റെ വീട്ടിലെ കാര്യം ആയത് കൊണ്ട് മറുപടി തരാം എന്ന് വിചാരിക്കുകയായിരുന്നു. നിങ്ങള്‍ക്ക് അറിയാനുള്ളത് ഞാന്‍ തന്നെ അറിയിക്കുന്നതല്ലേ നല്ലത്.
എന്റെ അച്ഛനും അമ്മയും വിവാഹ മോചിതരാണ്. പതിനേഴ്-പതിനെട്ട് വര്‍ഷമായി അവര്‍ പിരിഞ്ഞിട്ട്. വീഡിയോയില്‍ വാപ്പയുടെ ഭാര്യ എന്ന് പറഞ്ഞ് കാണിച്ചത് അദ്ദേഹത്തിന്റെ രണ്ടാം ഭാര്യയെയാണ്. അതിനെന്തിനാണ് ഇത്രയും ത്വര. എന്താണ് ഇത്ര അറിയാനുള്ളതെന്ന് എനിക്ക് മനസിലാകുന്നില്ല. ഞാന്‍ യൂട്യൂബ് ചാനല്‍ തുടങ്ങിയത് എനിക്ക് നിങ്ങളോട് എന്തെങ്കിലും പറയാനുണ്ടെങ്കില്‍ അത് പറയാനും പങ്കുവെക്കാനുമാണ്. ബുദ്ധിയുള്ള ആര്‍ക്കും മനസിലാക്കുവന്നതേയുള്ളൂ അവര്‍ രണ്ടാം ഭാര്യയാണെന്ന്. അത് പിന്നെ വിശദീകരിച്ച് പറയാനൊന്നും എനിക്ക് ഇഷ്ടമില്ല. പറയണമോ പറയണ്ടയോ എന്നത് ഓരോരുത്തരുടേയും വ്യക്തിപരമായ തീരുമാനമാണ്.
ഹിന്ദു ആണോ മുസ്ലീം ആണോ ക്രിസ്ത്യന്‍ ആണോ എന്നാണ് മൊത്തം കമന്റും. അറിഞ്ഞിട്ടെന്തിനാണ്? ഞാന്‍ ഒരു മനുഷ്യ സ്ത്രീയാണ്. ഒരു പെണ്‍കുട്ടിയാണ്. എനിക്ക് ജാതി പറയാന്‍ ഇഷ്ടമല്ല. ഞാന്‍ പള്ളിയിലും അമ്പലത്തിലും ക്രിസ്ത്യന്‍ പള്ളിയിലും പോകും. അതെന്റെ വ്യക്തിപരമായ ഇഷ്ടമാണ്. എന്റെ ജീവിതം മറ്റുള്ളവര്‍ക്ക് ഒരു ദ്രോഹവും ചെയ്യാതെ എനിക്ക് ഇഷ്ടമായ തരത്തില്‍ ജീവിക്കാനാണ് ഞാന്‍ ആഗ്രഹിക്കുന്നത്. എനിക്ക് പറയാനുള്ളത് ഞാന്‍ യൂട്യൂബ് ചാനലിലൂടെ പറയാറുണ്ട്. പക്ഷെ ഈ കാര്യം വലിയൊരു സംഭവമാക്കി കുറേ പേര്‍ മെസേജ് അയക്കുന്നുണ്ട്. എന്റെ വീട്ടുകാര്‍ക്കും അയക്കുന്നുണ്ട്. അത് ആരാണ്, അതെന്താ അങ്ങനെ എന്നൊക്കെ ചോദിച്ചു കൊണ്ട്. അറിഞ്ഞിട്ട് എന്ത് കാര്യമാണുള്ളത്.
എനിക്ക് നിങ്ങളോട് പറയാനുള്ളത് സന്തോഷമുള്ള കാര്യങ്ങളാണ്. എനിക്ക് ആരുടേയും സിമ്പതി വേണ്ട. ഈ വീഡിയോ കണ്ട് എന്റെ ജീവിതകഥ ചോദിച്ച് പലരും കമന്റ് ചെയ്യുന്നുണ്ട്. അറിഞ്ഞിട്ട് എന്ത് കാര്യമാണ്? എന്റെ ജീവിതത്തില്‍ എനിക്ക് നിങ്ങളോട് പങ്കുവെക്കണം എന്ന് തോന്നുന്ന കാര്യം പങ്കുവെക്കും. എനിക്കാരുടേയും സിമ്പതി വേണ്ടി. എല്ലാവരും ജീവിതത്തില്‍ പൂര്‍ണമായും സന്തുഷ്ടരായിരിക്കില്ല. അവരവരുടേതായ വിഷമങ്ങളുണ്ടാകും. ഞാന്‍ എപ്പോഴും ചിരിച്ച് ഹാപ്പിയായി നടക്കുന്ന ആളാണ്. എന്ന് കരുതി ഞാന്‍ സങ്കടപ്പെട്ടിരിക്കുന്ന സമയവുമുണ്ട്. അതൊക്കെ നമ്മുടെ വ്യക്തിപരമായ കാര്യങ്ങളാണ്. സെലിബ്രിറ്റി ആണെങ്കിലും വ്യക്തിപരമായ ജീവിതമുണ്ട്. അതില്‍ തലയിടാന്‍ പോകരുത്. എനിക്കും നിങ്ങള്‍ക്കും വ്യക്തിപരമായ കാര്യങ്ങളുണ്ടാകും. അതില്‍ നെഗറ്റീവ് കണ്ടെത്താന്‍ തുരന്ന് പോകുന്നത് എന്തിനാണ്?
നെഗറ്റീവ് കമന്റിട്ടവരോട് ഇമ്മാതിരി കമന്റുകളുമായി വീണ്ടും വരരുതെന്നാണ് പറയാനുള്ളത്. നിങ്ങളുടെ കമന്റുകള്‍ ഒരുപാട് പേരുടെ ജീവിതത്തിലും വിഷമമുണ്ടാക്കും. നമ്മളായിട്ട് എന്തിനാണ് മറ്റുള്ളവരെ വിഷമിപ്പിക്കുന്നത്. മറ്റുള്ളവരെ എങ്ങനെ സന്തോഷിപ്പിക്കാം എന്നല്ലേ ചിന്തിക്കേണ്ടത്. പിന്നെ ഞാന്‍ ഭയങ്കര ഓവര്‍ ആണെന്ന് ചിലര്‍ പറയുന്നത് കണ്ടു. അവരോട് പറയാനുള്ളത് ഞാന്‍ ഇങ്ങനെയാണ്. സൂര്യ കൈമള്‍ ഞാന്‍ ചെയ്യുന്ന കഥാപാത്രമാണ്. എല്ലായിപ്പോഴും എനിക്ക് സൂര്യ കൈമാളിയിരിക്കാന്‍ ആകില്ല. ഞാന്‍ എപ്പോഴും ചിരിച്ചും സന്തോഷിച്ചും നടക്കാന്‍ ആണ് ആഗ്രഹിക്കുന്നത്. പിന്നെ ചിലര്‍ പറയുന്നു എല്ലാവരോടും തലയില്‍ തുണിയിടൂ എന്ന്. എന്ത് കാര്യത്തിന്? നിങ്ങള്‍ മുസ്ലീം ആണെങ്കില്‍ നിങ്ങള്‍ മുസ്ലീം ആണെങ്കില്‍ നിങ്ങള്‍ തലയില്‍ തുണിയിട്ടോളൂ. എന്തിനാണ് ബാക്കിയുള്ളവരെ പാഠം പഠിപ്പിക്കാന്‍ നടക്കുന്നത്. എല്ലാവര്‍ക്കും അവരവരുടെ ഇഷ്ടത്തിന് ജീവിക്കാനുള്ള സ്വാതന്ത്ര്യമുണ്ട്’.
Post Your Comments