തന്റെ ആരാധകന്റെ വിവാഹത്തില്‍ പങ്കെടുത്ത് ആസിഫ് അലിയും ഭാര്യ സമയും. ആലപ്പുഴ സ്വദേശി സാന്‍ കുര്യന്റെ വിവാഹത്തിലാണ് ആസിഫ് അലിയും ഭാര്യയും നേരിട്ടെത്തി ആശംസകള്‍ അറിയിച്ചത്.
ആസിഫിന്റെ മറ്റൊരു ആരാധകനായ അഫ്‌സല്‍ മുഹമ്മദ് ആണ് ചടങ്ങിന്റെ ചിത്രങ്ങള്‍ സോഷ്യല്‍ മീഡിയയില്‍ പങ്കുവച്ചിരിക്കുന്നത്. സാനും കൂട്ടുകാരും ആസിഫിന്റെ വിവാഹത്തില്‍ പങ്കെടുത്ത ചിത്രവും ഇതിനൊപ്പം പങ്കുവച്ചിട്ടുണ്ട്. ആസിഫ് അലിയെ കുറിച്ച് കുറിപ്പും അഫസല്‍ പങ്കുവച്ചിട്ടുണ്ട്.
അഫ്‌സല്‍ മുഹമ്മദിന്റെ കുറിപ്പ്:
‘അയാള്‍ അങ്ങനെയാണ് സ്വന്തം കല്യാണത്തിന് ഫാന്‍സിനെ ക്ഷണിക്കും… ആരാധകന്റെ കല്യാണത്തിന് തിരക്കുകള്‍ എല്ലാം മാറ്റി വെച്ച് പങ്കെടുക്കും. ഫാന്‍സുമായി ഇത്രയും അടുപ്പം ഉള്ള മറ്റൊരു യൂത്തന്‍ ഇല്ല എന്ന് തന്നെ പറയാം.. വിജയ പരാജയങ്ങള്‍ ഒരു നടന് ഉണ്ടായേക്കാം പക്ഷെ ചങ്ക് പറിച്ചെടുത്തു കാണിക്കുന്ന ആരാധകന് അത്രേം തന്നെ ആഴത്തില്‍ ആ സ്‌നേഹവും തിരിച്ചുകൊടുന്നുണ്ടെങ്കില്‍ മറ്റു സന്തോഷങ്ങളുടെ കൂടെ ഭാഗവും ആവുന്നുണ്ടെങ്കില്‍ അദ്ദേഹം നല്ലൊരു നടന് ഉപരി നല്ലൊരു വ്യക്തി കൂടെ ആയിരിക്കണം.’
സാനുമായി പന്ത്രണ്ട് വര്‍ഷത്തെ പരിചയം തനിക്കുണ്ടെന്നും ഇവരുടെയൊക്കെ പിന്തുണയും സ്‌നേഹവും അധ്വാനവും കൊണ്ടാണ് താനിവിടെ വരെ എത്തി നില്‍ക്കുന്നതെന്നും വിവാഹവേദിയില്‍ സംസാരിക്കുന്നതിനിടെ ആസിഫ് അലി പറഞ്ഞു.
Post Your Comments