വേര്‍പിരിഞ്ഞെങ്കിലും പ്രേക്ഷകരുടെ ഇഷ്ടതാരങ്ങളാണ് നാഗചൈതന്യയും സാമന്തയും. വിവാഹമോചനത്തിന്‍റെ നടപടികള്‍ പുരോഗമിക്കുമ്പോഴും ഇരുവരും പരസ്പര ബഹുമാനത്തോടെ തന്നെയാണ് സംസാരിക്കുന്നത്. വേര്‍പിരിയല്‍ എന്നത് തങ്ങളുടെ ജീവിതത്തിലെ ഏറ്റവും മികച്ച തീരുമാനമെന്നായിരുന്നു ഈയിടെ നാഗചൈതന്യ വെളിപ്പെടുത്തിയത്ത്. ഇപ്പോള്‍ സാമന്തയെക്കുറിച്ച് നാഗചൈതന്യ പറഞ്ഞ വാക്കുകളാണ് സോഷ്യല്‍മീഡിയയില്‍ വൈറലാകുന്നത്.
നായികമാരില്‍ ആരുമായിട്ടാണ് മികച്ച ഓണ്‍ സ്ക്രീന്‍ കെമിസ്ട്രിയുള്ളതെന്നായിരുന്നു ചോദ്യം. സാമന്തയെന്നായിരുന്നു നാഗചൈതന്യയുടെ ഉത്തരം. ബോളിവുഡ് ഹംഗാമക്ക് നല്‍കിയ അഭിമുഖത്തിലായിരുന്നു നാഗചൈതന്യ സാമന്തയെ പ്രശംസിച്ചത്. ‘ദീപിക പദുക്കോണിനും ആലിയ ഭട്ടിനൊപ്പവും അഭിനയിക്കാന്‍ ഇഷ്ടമാണ്, അവരുടെ അഭിനയം തനിക്ക് ഇഷ്ടമാണ്. എപ്പോഴെങ്കിലും അവസരം ലഭിച്ചാല്‍ ഈ നടികള്‍ക്കൊപ്പം സ്ക്രീന്‍ പങ്കിടാനാണ് താന്‍ ഇഷ്ടപ്പെടുന്നു’ നാഗചൈതന്യ പറഞ്ഞു.
മാനം, യേ മായ ചേസാവേ, ഓട്ടോനഗർ സൂര്യ, മജിലി എന്നീ ചിത്രങ്ങളിലാണ് നാഗചൈതന്യയും സാമന്തയും ഒന്നിച്ച് അഭിനയിച്ചിട്ടുള്ളത്. സിനിമയിലെ താരങ്ങള്‍ പിന്നീട് ജീവിതത്തിലും ഒന്നാവുകയായിരുന്നു. ഒടുവില്‍ നാലു വര്‍ഷം നീണ്ട ദാമ്പത്യത്തിനു ശേഷം ഇരുവരും വേര്‍പിരിയുകയും ചെയ്തു.
Post Your Comments