താരസംഘടനയായ ‘അമ്മ’യില്‍ നടന്ന ഇതുവരെ കാണാത്ത തരത്തിലുള്ള വാശിയേറിയ തിരഞ്ഞെടുപ്പില്‍ സ്ത്രീകളില്‍ ഏറ്റവും ഉയര്‍ന്ന വോട്ട് നേടിയ താരമാണ് സുരഭി ലക്ഷ്മി . അമ്മയിലെ തിരഞ്ഞെടുപ്പ് അനുഭവങ്ങളെ കുറിച്ച് തുറന്നു സംസാരിച്ചിരിക്കുകയാണ് നടി സുരഭി ഇപ്പോള്‍ റിപ്പോര്‍ട്ടര്‍ ടിവിക്ക് നല്‍കിയ അഭിമുഖത്തില്‍ .
സുരഭിയുടെ വാക്കുകൾ:
‘മത്സരിക്കുമ്പോള്‍ ജയിക്കുമോ തോല്‍ക്കുമോ എന്നതിനെ കുറിച്ച് ചിന്തിച്ചിട്ടില്ല. അഞ്ഞൂറിലധികം അഭിനേതാക്കളുമായി സംസാരിക്കാനും അവരുമായി ഒരു കോണ്‍ടാക്ട് ഉണ്ടാക്കാനും ഇതിലൂടെ കഴിഞ്ഞിട്ടുണ്ട്. ഒരു എക്സിക്യൂട്ടീവ് അംഗം എന്ന നിലയില്‍ എന്തെല്ലാം ചെയ്യാന്‍ പറ്റുമോ പറയാന്‍ പറ്റുമോ അതൊക്കെ ചെയ്യണം.
സ്ത്രീകളില്‍ ഏറ്റവും ഉയര്‍ന്ന വോട്ട് കിട്ടിയ ആളാണ് ഞാന്‍. അമ്മ ഒരുപാട് നല്ല കാര്യങ്ങള്‍ ചെയ്യുന്നുണ്ട്. അമ്മ കൊടുക്കുന്ന കൈനീട്ടം കൊണ്ടാണ് മരുന്ന് വാങ്ങുന്നതെന്ന് പറഞ്ഞ് കരയുന്ന ഒരുപാട് സീനിയര്‍ ആര്‍ട്ടിസ്റ്റുകളുണ്ട്. ഉറപ്പായും വോട്ട് ചെയ്യും വിളിച്ചല്ലോയെന്ന് പറഞ്ഞവരുണ്ട്. അങ്ങനെയുള്ള അനുഭവങ്ങളിലൂടെ പല തിരിച്ചറിവുകളും ഉണ്ടായിട്ടുണ്ട്.’
Post Your Comments