2022 ല്‍ മലയാള സിനിമ പ്രേക്ഷകര്‍ ഏറ്റവുമധികം കാത്തിരിക്കുന്ന മമ്മൂട്ടി – അമല്‍ നീരദ് ചിത്രം ഭീഷ്മപര്‍വത്തിലെ ക്യാരക്ടര്‍ പോസ്റ്ററുകള്‍ കഴിഞ്ഞ ദിവസങ്ങളില്‍ പുറത്ത് വന്നിരുന്നു. ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നത് സുദേവ് നായരാണ്. ‘രാജന്‍’ എന്ന സുദേവിന്റെ ക്യാരക്ടര്‍ പോസ്റ്റര്‍ കഴിഞ്ഞ ദിവസം പുറത്ത് വന്നിരുന്നു. സിനിമയില്‍ ട്വിസ്റ്റ് കൊണ്ടുവരുന്ന കഥാപാത്രമാണ് തന്റേതെന്ന് ഇ ടൈംസിന് നൽകിയ അഭിമുഖത്തിൽ സുദേവ് പറഞ്ഞു.
സുദേവന്റെ വാക്കുകൾ :
‘അമല്‍ നീരദിന്റെ സിനിമകളില്‍ സാധാരണ കാണുന്നത് പോലെയുള്ള സ്‌റ്റൈലിഷ് ആയിട്ടുള്ള ക്യാരക്ടര്‍ ആണ് എന്റേതും. രാജന്‍ എന്ന ആ കഥാപാത്രമാണ് ഭീഷ്മപര്‍വത്തില്‍ ട്വിസ്റ്റ് കൊണ്ടുവരുന്നത്. പക്ഷേ ആ കഥാപാത്രം പോസിറ്റീവ് ആണോ നെഗറ്റീവ് ആണോ എന്ന് എനിക്ക് പറയാന്‍ സാധിക്കില്ല. രാജന്‍ ഒരു പ്രത്യേക സ്വഭാവക്കാരനാണ്. എന്റെ രംഗങ്ങളില്‍ ഭൂരിഭാഗവും മമ്മൂട്ടിയോടൊപ്പമാണ്. അദ്ദേഹത്തോടൊപ്പം ലഞ്ച് കഴിക്കുന്നത് എനിക്കൊരു പ്രിവിലേജാണ്,’
മമ്മൂട്ടിക്കൊപ്പം സി ബി ഐ സീരിസിലും പൊലീസ് ഓഫീസറുടെ വേഷത്തിൽ സുദേവ് എത്തുന്നുണ്ട്. സുദേവ് ആദ്യമായി പൊലീസ് വേഷത്തിലഭിനയിക്കുന്ന ചിത്രം കൂടിയാണ് സി ബി ഐ 5.
Post Your Comments