വ്യത്യസ്തമായ അഭിനയ ശൈലിയും സംസാര ശൈലിയും കൊണ്ട് മലയാള പ്രേക്ഷകരുടെ മനസ്സിൽ ഇടം നേടിയ താരമാണ് മാമുക്കോയ. ഇപ്പോൾ മാമുക്കോയയുടെ ഒരു പഴയ അഭിമുഖമാണ് സോഷ്യല്‍മീഡിയയില്‍ വൈറലാകുന്നത്. സിനിമയിൽ ഏത് കഥാപാത്രം കിട്ടിയാലും താൻ അതിൽ ഒരു കൈ നോക്കുമെന്നാണ് അദ്ദേഹം പറയുന്നത്. സിനിമയില്ലാതെ ജീവിക്കുന്നതിനെക്കുറിച്ച് തനിക്ക് ഭയമൊന്നും തോന്നിയിട്ടില്ലെന്നും അദ്ദേഹം കൂട്ടിച്ചേർത്തു.
മാമുക്കോയയുടെ വാക്കുകൾ :
‘സിനിമയില്ലാതെ ജീവിക്കുന്നതിനേ കുറിച്ചും എനിക്ക് പേടിയില്ല. മുമ്പ് തടി അളക്കുന്ന ജോലിയുമായി ബന്ധപ്പെട്ട് 22 വര്‍ഷം കേരളത്തില്‍ മുഴുവന്‍ കറങ്ങിയതാണ് ഞാന്‍. ദുഖത്തിലും സുഖത്തിലും സ്വയം മറക്കുന്ന മനസ്സല്ല എന്റേത്. എല്ലാം ദൈവമൊരുക്കുന്ന വഴികളല്ലേ.
‘ഏത് കഥാപാത്രം കിട്ടിയാലും അതിന്റെ സ്വഭാവം പഠിക്കും. കായംകുളം കൊച്ചുണ്ണിയെ കിട്ടിയാലും അതിവിദഗ്ദ്ധമായി അതിനുള്ള ശ്രമം നടത്തും. വടക്കന്‍ വീരഗാഥയില്‍ ചന്തുവിന്റെ വേഷം കിട്ടിയാല്‍ എനിക്ക് പറ്റുന്നതു പോലെ ഞാനും അഭിനയിക്കും. അത്ര തന്നെ. മുച്ചീട്ടു കളിക്കാരനിലെ എട്ടുകാലി മമ്മൂഞ്ഞും മണ്ടന്‍ മുത്തപ്പയുമൊക്കെ എന്നെ ആകര്‍ഷിച്ച കഥാപാത്രങ്ങളാണ്.’
Post Your Comments