വളരെ മികച്ച പ്രേക്ഷക പ്രതികരണമാണ് മമ്മൂട്ടി ചിത്രം പുഴുവിന്റെ ആദ്യ ടീസര്‍ റിലീസ് ചെയ്തത് മുതൽ. കഴിഞ്ഞ ദിവസമായിരുന്നു ഈ ടീസര്‍ റിലീസ് ആയത്. ഇപ്പോഴിതാ, ഇതിലെ മമ്മൂട്ടിയുടെ കഥാപാത്രത്തെ കുറിച്ച് പാര്‍വതി തിരുവോത്ത് പറയുന്ന വാക്കുകള്‍ വൈറലാകുകയാണ്. ഈ ചിത്രത്തിലെ നായികാ വേഷത്തിലാണ് പാർവതി എത്തുന്നത്. താന്‍ വിശ്വസിക്കുന്ന രാഷ്ടീയ ചിന്തകളെയും അതുപോലെ സ്ത്രീ- പുരുഷ സമത്വ ചിന്തകളെയും ഒരു പരിധി വരെ പിന്തുണയ്ക്കുന്ന ചിത്രമായതുകൊണ്ടാണ് താനിത് ചെയ്തത് എന്നും ദി ക്യൂ ചാനലുമായുള്ള അഭിമുഖത്തിൽ പാര്‍വതി പറഞ്ഞു.
പാർവതിയുടെ വാക്കുകൾ :
‘ഇതിലെ മമ്മൂട്ടി കഥാപാത്രം പ്രേക്ഷകരെ ഞെട്ടിക്കും. തന്റെ കരിയറില്‍ അദ്ദേഹം ഇതുവരെ ചെയ്യാത്ത ഒരു റോള്‍ ആണ് പുഴുവിലേത്. ഈ ചിത്രത്തിന്റെ ശക്തമായ പ്രമേയം തന്നെയാണ് ഇതിന്റെ ഏറ്റവും വലിയ ശക്തി.
ഞാൻ വിശ്വസിക്കുന്ന രാഷ്ടീയ ചിന്തകളെയും അതുപോലെ സ്ത്രീ- പുരുഷ സമത്വ ചിന്തകളെയും ഒരു പരിധി വരെ പിന്തുണയ്ക്കുന്ന ഒരു ചിത്രം കൂടിയാണ് പുഴു. അത്‌കൊണ്ട് കൂടിയാണ് ഞാനീ ചിത്രം ചെയ്തത്’.
ഇതൊരു പുരോഗമനപരമായ ചിത്രം ആണെന്നും ഈ ഗംഭീര ചിത്രം പ്രേക്ഷകരുടെ മുന്നിലെത്തുന്നത് കാത്തിരിക്കാന്‍ വയ്യ എന്നും മമ്മൂട്ടി ഇതിന്റെ ഷൂട്ടിംഗ് കഴിഞ്ഞപ്പോള്‍ തന്റെ ഫെയ്സ്ബുക് പേജില്‍ കുറിച്ചിരുന്നു.
Post Your Comments