ദിലീപ് മുഖ്യവേഷത്തിലെത്തുന്ന നാദിര്‍ഷ ചിത്രം ‘കേശു ഈ വീടിന്റെ നാഥന്‍’ മികച്ച പ്രതികരണങ്ങളോടെ മുന്നേറിക്കൊണ്ടിരിക്കുന്നു . സജീവ് പാഴൂര്‍ തിരക്കഥയൊരുക്കി നാദ് ഗ്രൂപ്പ് നിര്‍മിക്കുന്ന ചിത്രം ഡിസംബര്‍ 31നാണ് ഡിസ്‌നി പ്ലസ് ഹോട്ട്‌സ്റ്റാറിലൂടെ പ്രേക്ഷകര്‍ക്ക് മുന്നിലെത്തിയത്.
ഇപ്പോൾ കേശു ഒരുപാട് ചിരിപ്പിച്ചു എന്നാണ് ചിത്രത്തിന്റെ പ്രീ റിലീസിന് ശേഷം അനു സിത്താര മാധ്യമങ്ങളോട് പറയുന്നത്. സമാധാനത്തോടെ ചിരിച്ച് കാണാന്‍ കഴിയുന്ന സിനിമയാണ് കേശുവെന്നും നടി പറയുന്നു.
‘എനിക്ക് എപ്പോഴും ചിരിച്ച് സമാധാനത്തോടെ സിനിമ കാണാനാണ് ഇഷ്ടം. അത്തരമൊരു സിനിമയാണ് കേശു ഈ വീടിന്റെ നാഥന്‍. ഒരുപാട് ചിരിച്ചു. വീട്ടിലിരിക്കുമ്പോഴും ദിലീപേട്ടന്റെ സിനിമകള്‍ കാണാന്‍ എനിക്ക് ഇഷ്ടമാണ്. വെട്ടം, പറക്കും തളിക, തിളക്കം. അതൊക്കെ പോലെ നമുക്ക് സമാധാനമായിട്ട് ചിരിച്ച് ഇരുന്ന് കാണാന്‍ പറ്റുന്ന സിനിമയാണിത്.
കുഞ്ഞിക്കൂനന്‍, ചാന്ത്‌പൊട്ട് കഥാപാത്രങ്ങളെ പോലെ മറ്റൊരു വ്യത്യസ്ത വേഷം. ദിലീപേട്ടന്‍ ആയിട്ടല്ല, വേറെ ഒരാളായാണ് തോന്നുന്നത്. വയറൊക്കെ ചാടി, ഇത് എങ്ങനെ ചെയ്തതെന്ന് സിനിമ കാണുമ്പോള്‍ സംശയം തോന്നും. ഉര്‍വശി ചേച്ചി ഭയങ്കര രസായിട്ടുണ്ട്. ദിലീപേട്ടന്‍ പാടിയ ‘നാരങ്ങ മിഠായി’ കുട്ടികള്‍ക്കിടയില്‍ ട്രെന്‍ഡ് ആയിട്ടുണ്ട്. ‘സാറേ സാറേ സാമ്പാറേ’ മാറി ഇപ്പോള്‍ ‘നാരങ്ങ മിഠായി’ ആയിട്ടുണ്ട് ‘- അനു സിത്താര പറഞ്ഞു.
Post Your Comments