മലയാളി പ്രേക്ഷകര്‍ ഏവരും ഒരുപാട് ആകാംഷയോടെ കാത്തിരിക്കുന്ന ചിത്രമാണ് വിനീത് ശ്രീനിവാസന്‍ സംവിധാനം ചെയ്യുന്ന പ്രണവ് മോഹന്‍ലാല്‍ ചിത്രം ഹൃദയം. മോഹന്‍ലാല്‍- പ്രിയദര്‍ശന്‍- ലിസി- ശ്രീനിവാസന്‍ കൂട്ടുകെട്ടില്‍ നിന്ന് അടുത്ത തലമുറയിലെ മൂന്ന് പേര്‍ ഒന്നിക്കുന്നുവെന്ന പ്രത്യേകതയുള്ള ചിത്രമാണ് ഹൃദയം. ജേക്കബിന്‍റെ സ്വര്‍ഗരാജ്യത്തിന് ശേഷം താൻ സംവിധായകനാകുന്ന ചിത്രം ജനുവരി 21ന് തിയേറ്ററുകളിലെത്തുമെന്ന് അറിയിച്ചിരിക്കുകയാണ് വിനീത് സോഷ്യല്‍ മീഡിയയിലൂടെ.
പ്രണവ് മോഹന്‍ലാലിനൊപ്പം ദര്‍ശന രാജേന്ദ്രന്‍, കല്യാണി പ്രിയദര്‍ശന്‍ എന്നിവർ പ്രധാന വേഷത്തിലെത്തുന്ന ചിത്രത്തിലെ ഹിഷാം അബ്ദുള്‍ വഹാബ് സംഗീതം നല്‍കിയ ഗാനങ്ങളെല്ലാം ഹിറ്റുകളാണ്. മലയാളത്തിലെ മുന്‍നിര ബാനറായിരുന്ന മെറിലാന്റ് സിനിമാസ് നിര്‍മ്മാണ രംഗത്ത് തിരിച്ചെത്തുന്നു എന്ന പ്രത്യേകതയും ചിത്രത്തിനുണ്ട്.
Post Your Comments