ന്യൂഡല്‍ഹി: കൊച്ചിയിലെ മോഡലുകളായ അൻസിയുടെയും അഞ്ജനയുടെയും മരണം കൊലപാതകമാണെന്നും, ബലാത്സംഗം ചെയ്യാന്‍ ശ്രമം നടന്നെന്നും രാജ്യസഭയില്‍ പരാമര്‍ശിച്ച്‌ സുരേഷ് ഗോപി എംപി.
കരുതിക്കൂട്ടിയുള്ള കൊലപാതകമാണ് നടന്നതെന്നും മോഡലുകളെ ബലാത്സംഗം ചെയ്യാന്‍ ശ്രമം നടന്നെന്നും അദ്ദേഹം ആരോപിച്ചു. ‘രക്ഷനേടുന്നതിനായാണ് മോഡലുകള്‍ ചെറുപ്പക്കാരുടെ സഹായം തേടിയത്. എന്നാല്‍ ലഹരിക്ക് അടിമയായ ആള്‍ പിന്തുടര്‍ന്നു. കൊച്ചിയിലെ റോഡില്‍വെച്ച്‌ രണ്ട് മോഡലുകളെയും ഇല്ലാതാക്കി. ഇതിന് അപകടമെന്ന് പറയാനാവില്ല’- സുരേഷ് ഗോപി രാജ്യസഭയില്‍ പറഞ്ഞു.
കേരളത്തില്‍ ലഹരിമാഫിയയും സര്‍ക്കാര്‍ ഏജന്‍സികളും അവിശുദ്ധ കൂട്ടുകെട്ടിലാണെന്ന് സുരേഷ് ഗോപി പറഞ്ഞു. മയക്കുമരുന്ന് ലഹരി മാഫിയയുമായി ബന്ധപ്പെട്ട ബില്ലിന്‍മേലുള്ള ചര്‍ച്ചയിലാണ് എംപി ഇത് ചൂണ്ടിക്കാട്ടിയത്.
Post Your Comments