200 കോടിയുടെ തട്ടിപ്പുകേസിലെ സുകേഷ് ചന്ദ്രശേഖറും ജാക്വിലിനുമായി സാമ്പത്തിക ഇടപാടുകള്‍ നടന്നതിന്റെ തെളിവുകള്‍ ഇ.ഡി. കണ്ടെത്തിയിരുന്നു. 52 ലക്ഷം രൂപ വിലയുള്ള കുതിര, ഒന്‍പതു ലക്ഷം രൂപയുടെ പേര്‍ഷ്യന്‍ പൂച്ച തുടങ്ങി പത്തുകോടി രൂപയുടെ സമ്മാനങ്ങള്‍ സുകേഷ് ജാക്വിലിന് നല്‍കിയിട്ടുണ്ടെന്ന് ഇ.ഡി. കുറ്റപത്രത്തില്‍ പറയുന്നതായി ഉന്നതവൃത്തങ്ങള ഉദ്ധരിച്ച് എന്‍.ഡി.ടി.വി. റിപ്പോര്‍ട്ട് ചെയ്തു.
ഇപ്പോൾ പ്രതി സുകേഷ് ചന്ദ്രശേഖര്‍ തനിക്ക് അരികിലെത്തിയത് ആരാധകന്‍ ചമഞ്ഞാണെന്നാണ് നടി ജാക്വിലിന് ഫെര്‍ണാണ്ടസ് പറയുന്നത്. നടിയുടെ ബന്ധുക്കളെയും സാമ്പത്തികമായി സഹായിച്ചിരുന്നെന്നും ശേഖര്‍ രത്ന വേല പേരിലാണ് ജാക്വിലിനെ സുകേഷ് ചന്ദ്രശേഖര്‍ പരിചയപ്പെട്ടെന്നും റിപ്പോര്‍ട്ടുണ്ട്.
2020 ഡിസംബര്‍ മുതല്‍ നടിയുമായെങ്ങനെയെങ്കിലുമൊന്ന് സംസാരിക്കാന്‍ ശ്രമം നടത്തിയ സുകേഷ് ഒടുവില്‍ ജാക്വിലിന്റെ മേക്ക്അപ്പ് ആര്‍ട്ടിസ്റ്റ് വഴി നടിയുമായി സംസാരിക്കാന്‍ ഇയാള്‍ ശ്രമിച്ചു. സണ്‍ ടിവിയുടെ ഉടമയാണ് താനെന്നും മുന്‍ തമിഴ്നാട് മുഖ്യമന്ത്രി അന്തരിച്ച ജയലളിതയുടെ കുടുംബാംഗമാണെന്നുമാണ് താനെന്നാണ് ജാക്വിലിനോട് ചന്ദ്രശേഖര്‍ പറഞ്ഞത്. ജാക്വിലിന്റെ വലിയ ഫാനാണെന്ന് ഇയാള്‍ നടിയോട് പറഞ്ഞു. തെന്നിന്ത്യന്‍ ഭാഷകളിലെ നിരവധി സിനിമകളുടെ ഭാഗമാവാമെന്നും നടിക്ക് ഇയാള്‍ വാഗ്ദാനം ചെയ്തു. സൗഹൃദം തുടങ്ങിയതോടെ വിലകൂടിയ സമ്മാനങ്ങള്‍ സുകേഷ് നടിയ്ക്ക് നല്‍കി. വമ്പന്‍ ബ്രാന്‍ഡുകളുടെ 15 ജോഡി കാതിലുകള്‍, വളകള്‍, മോതിരങ്ങള്‍, വാച്ചുകള്‍ ലക്ഷ്വറി ബാഗുകള്‍ തുടങ്ങിയവ ജാക്വിലിന് നല്‍കിയെന്ന് സുകേഷ് ഇഡിയോട് പറഞ്ഞു.
ഏഴ് കോടിയുടെ ആഭരണങ്ങള്‍ ,ഒരു കുതിര, മിനി കൂപ്പര്‍ എന്നിവയും നല്‍കിയതായി ഇദ്ദേഹം മൊഴിനല്‍കി. ജാക്വിലിന്റെ ബന്ധുക്കളെയും വലിയ തോതില്‍ ഇയാള്‍ സഹായിച്ചു. ജാക്വിലിന്റെ അമ്മയ്ക്ക് പോര്‍ഷെ കാര്‍ സമ്മാനമായി നല്‍കി. അമേരിക്കയിലുള്ള അനിയത്തിക്ക് BMW X5 ഉം സമ്മാനമായി നല്‍കി. ഓസ്ട്രേലിയയിലെ സഹോദരനും 50000 യുഎസ് ഡോളറിന്റെ സഹായം നല്‍കിയെന്നും ഇയാള്‍ പറയുന്നു.
ഇഡി പറയുന്നത് പ്രകാരം ജാക്വിലിന് വമ്പന്‍ ബ്രാന്‍ഡുകളുടെ ഷോറൂമുകളില്‍ പോവുകയും ഇഷ്ടപ്പെട്ടവയുടെ ലിസ്റ്റ് തയ്യാറാക്കുകയും ഈ ലിസ്റ്റ് ചന്ദ്രശേഖറിനയക്കുകയും ചെയ്തിരുന്നു. അതേസമയം മിനി കൂപ്പര്‍ ഉള്‍പ്പെടെ ലഭിച്ച നിരവധി സമ്മാനങ്ങള്‍ താന്‍ തിരികെ നല്‍കിയെന്നാണ് ജാക്വിലിന് വ്യക്തമാക്കിയത്.
Post Your Comments