ടൊവിനോ തോമസ് നായകനാകുന്ന മിന്നല്‍ മുരളി ഡിസംബര്‍ 24 നാണ് നെറ്റ്ഫ്‌ളിക്‌സിലൂടെ ലോകമെമ്പാടും പ്രദര്‍ശനത്തിനെത്തുക. കൊവിഡും ലോക്ഡൗണ്‍ നിയന്ത്രണങ്ങളും തുടരുന്ന സാഹചര്യത്തിലാണ് നെറ്റ്ഫ്ളിക്സില്‍ തന്നെ റിലീസ് ചെയ്യാന്‍ തീരുമാനിച്ചിരിക്കുന്നത്. മലയാളത്തിന് പുറമേ തമിഴ്, തെലുങ്ക്, കന്നഡ, ഹിന്ദി ഭാഷകളിലും പുറത്തിറങ്ങുന്ന ചിത്രം ഇതിനോടകം തന്നെ ലോക ശ്രദ്ധ പിടിച്ചു പറ്റുകയാണ്. കുഞ്ഞിരാമായണം, ഗോദ എന്നീ ചിത്രങ്ങള്‍ക്ക് ശേഷം ബേസില്‍ ജോസഫ് സംവിധാനം ചെയ്യുന്ന ചിത്രം ബേസില്‍ – ടൊവിനോ കൂട്ടുകെട്ടിന്റെ രണ്ടാമത്തെ ചിത്രം കൂടിയാണ്.
ഇപ്പോൾ ഹോളിവുഡ് സംഗീത സംവിധായകനായ എലന്‍ സില്‍വെസ്ട്രി മിന്നല്‍ മുരളിക്ക് അറിയിച്ച ആശംസകളാണ് ശ്രദ്ധനേടിയിരിക്കുന്നത്. ഫോറസ്റ്റ് ഗംപ്’, ‘കാസ്റ്റ് എവേ’, ‘ദ അവഞ്ചേഴ്‌സ്’, ‘അവഞ്ചേഴ്‌സ്: ഇന്‍ഫിനിറ്റി വാര്‍’, ‘അവഞ്ചേഴ്‌സ്: എന്‍ഡ് ഗെയിം എന്നീ സൂപ്പര്‍ ഹിറ്റ് ചിത്രങ്ങളുടെ സംഗീത സംവിധായകനായ എലന്‍ സില്‍വെസ്ട്രി ഓസ്‌കാര്‍ പുരസ്‌കാര ജേതാവ് കൂടിയാണ്. ഇന്‍സ്റ്റഗ്രാമിലൂടെ മിന്നല്‍ മുരളിയുടെ ട്രെയ്‌ലർ പങ്കുവച്ചാണ് എലന്‍ ആശംസകളറിയിച്ചിരിക്കുന്നത്. ‘ഈ മനോഹരമായ സിനിമയ്ക്ക് ആശംസകള്‍ നേരുന്നു’ എന്നാണ് അദ്ദേഹം കുറിച്ചത്.
ഒരു വര്‍ഷം മുമ്പ് ‘എക്ട്രാക്ഷന്‍’ സിനിമയുടെ സംവിധായകന്‍ സാം ഹാര്‍ഗ്രേവ് മിന്നല്‍ മുരളിയുടെ ടീസര്‍ വെച്ചിരുന്നു.
Post Your Comments