ഇന്ത്യൻ ക്രിക്കറ്റിന്റെ അഭിമാനമായ സച്ചിൻ ടെണ്ടുൽക്കറെ അറിയില്ലെന്ന് പറഞ്ഞ് റഷ്യൻ ടെന്നീസ് ഇതിഹാസം മരിയ ഷറപ്പോവ പുലിവാല് പിടിച്ചതിനു പിന്നാലെ ബോളിവുഡിന്റെ കിംഗ് ഖാൻ ഷാറൂഖ് ഖാനെ അറിയില്ലെന്ന് പറഞ്ഞ് ഒരു അന്താരാഷ്ട്ര സെലിബ്രിറ്റി.
ഹോളിവുഡ് നടിയും ഹാസ്യതാരവുമായ വിറ്റ്നി കമ്മിങ്സ് ഷാറൂഖ് ഖാനെക്കുറിച്ച് കേട്ട പരിചയം പോലുമില്ലെന്ന് സമ്മതിച്ചതായി ഇന്ത്യന്‍ കൊമേഡിയന്‍ വീര്‍ ദാസ് ആണ് വെളിപ്പെടുത്തിയത്. ‘ഗുഡ് ഫോര്‍ യൂ വിത്ത് വിറ്റ്നി കമ്മിങ്സ്’ പോഡ്കാസ്റ്റ് പരിപാടിക്കിടെ ആയിരുന്നു സംഭവം.
ഇന്ത്യയിൽ ഷാറൂഖ് ഖാന്റെ താരപരിവേഷത്തെക്കുറിച്ച് വിവരിക്കവേ ഹോളിവുഡ് നടൻ ബ്രാഡ് പിറ്റിന് ലോസ് ആഞ്ചൽസിൽ കൂളായി ഇറങ്ങി നടക്കാമെങ്കിൽ ഷാറൂഖ് ഖാൻ മുംബൈയിലിറങ്ങിയാൽ തിക്കും തിരക്കുമായിരിക്കുമെന്ന് വീർ ദാസ് പറഞ്ഞപ്പോളാണ് ദാസിനെ ഞെട്ടിച്ചുകൊണ്ട് വിറ്റ്നിയുടെ ചോദ്യം,’ക്ഷമിക്കണം, അതാരാണ് ഈ ഷാറൂഖ് ഖാന്‍!’ എന്ന്.
ഇതോടെ രാജ്യത്ത് ഏറ്റവും വലിയ ആരാധകവൃന്ദമുള്ള നടന്മാരിലൊരാളാണ് ഷാറൂഖ് ഖാനെന്നു പരിചയപ്പെടുത്തി കൂടുതൽ വിശദീകരിച്ചപ്പോൾ അവർക്ക് കൗതുകമായി. തുടർന്ന് ഗൂഗിളിൽ തപ്പിയാണ് വിറ്റ്നി ഷാറൂഖ് ഖാനെക്കുറിച്ച് കൂടുതൽ അറിഞ്ഞത്. പിന്നാലെ വിറ്റ്‌നിക്ക് താരത്തെക്കുറിച്ച് വിശദമായ ക്ലാസ് തന്നെ എടുത്തുകൊടുക്കുന്നുണ്ട് വീർ ദാസ്.
Post Your Comments