ആസിഫ് അലി നായകനാകുന്ന എ രഞ്ജിത്ത് സിനിമയുടെ ചിത്രീകരണം ആരംഭിക്കുന്നു

ആസിഫ് അലി നായകനാകുന്ന പുതിയ ചിത്രം ഡിസംബർ ആറിന് തിരുവനന്തപുരത്ത് ചിത്രീകരണം ആരംഭിക്കുന്നു. നവാഗതനായ നിഷാന്ത് സാറ്റുവാണ് ഈ ചിത്രം തിരക്കഥ രചിച്ച് സംവിധാനം ചെയ്യുന്നത്. ലൂമിനസ് ഫിലിം ഫാക്ടറി ഇൻ അസ്സോസ്സിയേഷൻ വിത്ത് ബാബു ജോസഫ് അമ്പാട്ട് അവതരിപ്പിക്കുന്ന ഈ ചിത്രം നിഷാദ് പീച്ചിയാണ് നിർമ്മിക്കുന്നത്. ഡിസംമ്പർ ആറിന് തിരുവനന്തപുരത്ത് ഹൈ സിന്ത് ഹോട്ടലിൽ നടക്കുന്ന പൂജാ ചടങ്ങോടെ ഈ ചിത്രത്തിൻ്റെ ചിത്രീകരണത്തിന് തുടക്കമിടുന്നു.

നമിതാ പ്രമോദാണ് നായിക. സൈജു ക്കുറുപ്പ്, ബാലചന്ദ്ര മേനോൻ, ആൻസൺ പോൾ, ശ്യാമപ്രസാദ്, കലാഭവൻ നവാസ്, സുനിൽ സുഗത, ബാലചന്ദ്രൻ ചുള്ളിക്കാട്, സന്തോഷ് ജോർജ് കുളങ്ങര, മുകുന്ദൻ, ജയകൃഷ്ന്നൻ, പൂജപ്പുര രാധാകൃഷ്ണൻ, ജോഡി ഈരാറ്റുപേട്ട, പ്രിയങ്കാ നായർ, സബിതാ ആനന്ദ്, കൃഷ്ണ, രേണുക എന്നിവരും പ്രധാന താരങ്ങളാണ്.

റഫീഖ് അഹമ്മദ്, അജീഷ് ദാസൻ എന്നിവരുടെ വരികൾക്ക് മിഥുൻ അശോകൻ ഈണം പകർന്നിരിക്കുന്നു. ഛായാഗ്രാഹകൻ – സിനോജ് വേലായുധൻ, കലാസംവിധാനം – അഖിൽ രാജ് ചിറയിൽ, പ്രൊഡക്ഷൻ കൺട്രോളർ – ജാവേദ് ചെമ്പ്, എക്സിക്യൂടീവ്‌ പ്രൊഡ്യൂസേഴ്സ് -123 ഫ്രയിംസ് & നമിത് ആർ. റോയൽ സിനിമാസ് റിലീസ് ഈ ചിത്രം പ്രദർശനത്തിനെത്തിക്കുന്നു.

വാഴൂർ ജോസ്.