പൃഥ്വിരാജ് സംവിധായകനായി അരങ്ങേറ്റം കുറിച്ച ചിത്രമായിരുന്നു മോഹന്‍ലാലിനെ നായകനാക്കി ഒരുക്കിയ ലൂസിഫര്‍. അതിനു ശേഷം മോഹന്‍ലാലിനെ തന്നെ നായകനാക്കി ഫാമിലി കോമഡി എന്റെര്‍റ്റൈനെര്‍ ആയ ബ്രോ ഡാഡി എന്ന തന്റെ രണ്ടാമത്തെ ചിത്രവും പൃഥ്വിരാജ് സംവിധാനം ചെയ്തു. ഈ ചിത്രം റിലീസ് ആയിട്ടില്ല.
പൃഥ്വിരാജ് അടുത്തതായി ഒരുക്കുന്ന ലൂസിഫര്‍ എന്ന ചിത്രത്തിന്റെ രണ്ടും മൂന്നും ഭാഗങ്ങള്‍ ആയ രണ്ടു ചിത്രങ്ങളിലും നായകന്‍ മോഹന്‍ലാല്‍ തന്നെയാണ് എന്നാണ് റിപ്പോർട്ടുകൾ.
ഇപ്പോഴിതാ, അതിനു ശേഷം പൃഥ്വിരാജ് ചെയ്യാന്‍ പോകുന്ന പ്രൊജക്റ്റും തീരുമാനമായി കഴിഞ്ഞു എന്നാണ് റിപ്പോർട്ട്. ലൂസിഫര്‍ സീരിസിന് ശേഷം പൃഥ്വിരാജ് ഒരുക്കാന്‍ പോകുന്നത് ഒരു ഹിന്ദി വെബ് സീരിസ് ആണെന്നും അതിൽ നായക വേഷം പൃഥ്വിരാജ് തന്നെയാണ് ചെയ്യുക എന്നുമാണ് പുറത്തു വരുന്നത്. ഇന്ത്യയുടെ ബിസ്‌ക്കറ്റ് കിംഗ് എന്നറിയപ്പെടുന്ന രാജന്‍ പിള്ളയുടെ ജീവിത കഥ പറയുന്ന ഈ വെബ് സീരിസിലൂടെ രാജന്‍ പിള്ളയുടെ വളര്‍ച്ചയും വീഴ്ചയുമാണ് പ്രേക്ഷകരുടെ മുന്നില്‍ എത്തിക്കുക.
Post Your Comments