ലാല്‍ ജോസ് സംവിധാനം ചെയ്യുന്ന പുതിയ ചിത്രത്തിലൂടെ റിയാലിറ്റി ഷോയിലെ താരങ്ങള്‍ സിനിമയിലേക്ക്. മഴവില്‍ മനോരമയിലെ ജനപ്രിയ റിയാലിറ്റി ഷോയായ നായിക നായകനിലെ താരങ്ങളാണ് ജോജു ജോർജ് പ്രധാന വേഷത്തിൽ വരുന്ന സിനിമയിൽ അഭിനയിക്കാനൊരുങ്ങുന്നത്. കോവിഡ് പശ്ചാത്തലത്തില്‍ വൈകിയ സിനിമ ഒരുപാട് മാറ്റങ്ങളോടെയാണ് പ്രേക്ഷകരിലേക്ക് എത്തുകയെന്ന് സംവിധായകന്‍ ലാല്‍ ജോസ് പറഞ്ഞു.
നായിക നായകനെന്ന റിയാലിറ്റി ഷോയിലൂടെ പ്രേക്ഷകരുടെ പ്രിയങ്കരായ നാല് ചെറുപ്പക്കാര്‍ ദര്‍ശനയും, ബിന്‍സിയും ശംഭുവും ആദിസും ഒരുമിക്കുന്ന പി.ജി.പ്രഗീഷിന്റെ രചനയിലുള്ള ലാല്‍ ജോസ് ചിത്രത്തിന്റെ പേര് പുറത്തുവിട്ടിട്ടില്ല.
അജ്മല്‍ സാബുവാണ് ക്യാമറ. എഡിറ്റര്‍ രഞ്ജന്‍ എബ്രഹാം, സംഗീതം വിദ്യാസാഗര്‍. ജനുവരി പകുതിയോടെ ഒറ്റ ഷെഡ്യൂളില്‍ സിനിമ പൂര്‍ത്തിയാകും.
Post Your Comments