കാലിഫോർണിയ : ലോകത്തെ ഏറ്റവും സമ്പന്നയായ ഗായികയാണ് റിഹാന. ഫോബ്‌സ് പട്ടികയിലെ കണക്കുപ്രകാരം 1.7 ബില്ല്യണ്‍ ഡോളറാണ് 34 വയസ്സുള്ള ഗായികയുടെ ആസ്തി. സംഗീതരംഗത്ത് നിന്നുള്ള വരുമാനമല്ല മറിച്ച് ലോകത്തിലെ ഏറ്റവും വലിയ മേക്കപ്പ് – ഫാഷന്‍ സാമ്രാജ്യമാണ് റിഹാനയെ കോടികളുടെ സ്വത്തിന് ഉടമയാക്കിയത്.
ഫോബ്‌സ് മാഗസിനും ടൈം മാഗസിനും ലോകത്തിലെ ഏറ്റവും സ്വാധിനമുള്ള 100 വ്യക്തികളുടെ പട്ടികയിൽ ഉള്‍പ്പെടുത്തിയ റിഹാന ഇപ്പോൾ വാർത്തകളിൽ നിറഞ്ഞിരിക്കുന്നത് സ്വന്തം അയൽവാസിയുടെ വീട് സ്വന്തമാക്കിയാണ്. കാലിഫോർണിയയിലെ ബെവർലി ഹിൽസിൽ 5,000 ചതുരശ്ര അടി വിസ്തീർണമുള്ള വീടിനായി 10 മില്യൺ ഡോളർ ആണ് അവർ ചിലവഴിച്ചത്.
കരീബിയന്‍ രാജ്യമായ ബാര്‍ബഡോസാണ് റിഹാനയുടെ സ്വദേശം. 20 കോടി ആല്‍ബങ്ങള്‍ ലോകമെമ്പാടുമായി വിറ്റഴിച്ചിട്ടുള്ള റിഹാന ഏറ്റവും കൂടുതല്‍ ആല്‍ബങ്ങള്‍ വിറ്റഴിച്ചിട്ടുള്ള കലാകാരികളില്‍ ഒരാളാണ്. തന്‍റെ സംഗീത ജീവിതത്തിനിടയില്‍ എട്ട് ഗ്രാമി, 12 അമേരിക്കന്‍ സംഗീത പുരസ്‌കാരം അടക്കം നിരവധി പുരസ്‌കാരങ്ങള്‍ നേടിയിട്ടുണ്ട്.
Post Your Comments