മുംബൈ : ആര്യന്‍ ഖാനെ നാര്‍ക്കോട്ടിക് കണ്‍ട്രോള്‍ ബ്യൂറോ അറസ്റ്റ് ചെയ്തതോടെ കടുത്ത പ്രതിസന്ധിയിലായ ബോളിവുഡ് സൂപ്പര്‍താരം ഷാരൂഖ് ഖാന്‍ തന്റെ എല്ലാ പ്രൊജക്ടുകളും താല്‍ക്കാലികമായി നിര്‍ത്തിയിരിക്കുകയാണ്. ഇപ്പോള്‍ മകന്‍ ജാമ്യത്തിലായതിനാല്‍ വീണ്ടും ജോലിയില്‍ പ്രവേശിച്ച്‌ അറ്റ്‌ലിയുടെ ചിത്രത്തിന്റെ അടുത്ത ഷെഡ്യൂള്‍ ആരംഭിക്കാന്‍ ഒരുങ്ങുകയാണ്.
ഷാരൂഖിന്റെ ഈ ചിത്രത്തില്‍ നയന്‍താരയ്ക്ക് പകരം സാമന്തയെ അറ്റ്‌ലിയെ ഉള്‍പ്പെടുത്തുമെന്ന് റിപ്പോര്‍ട്ടുകള്‍ ആദ്യം സൂചിപ്പിച്ചിരുന്നുവെങ്കിലും, ടീമില്‍ നിന്ന് ഇതുവരെ ഔദ്യോഗിക അറിയിപ്പൊന്നും ലഭിച്ചിട്ടില്ല, നയന്‍താര ഇപ്പോഴും പദ്ധതിയുടെ ഭാഗമാണെന്നാണ് സൂചന.
ചിത്രത്തിലെ നയന്‍താരയുടെ കഥാപാത്രം ഒരു വനിതാ പോലീസിന്റെ കഥാപാത്രമാണെന്നും റിപ്പോര്‍ട്ട് ഉണ്ട്. ചിത്രത്തിന്റെ ഷൂട്ടിംഗ് പൂനെയില്‍ ഉടന്‍ ആരംഭിക്കും. ചിത്രത്തില്‍ പ്രിയാമണിയും, സാനിയ മല്‍ഹോത്രയും അഭിനയിക്കുന്നുണ്ട്.
Post Your Comments