2007 ലെ ഡിക്റ്റക്റ്റീവ് എന്ന ചിത്രത്തിലൂടെ സംവിധാന രംഗത്തെത്തി നിരവധി ഹിറ്റ് ചിത്രങ്ങള്‍ ഒരുക്കിയ സംവിധായകനാണ് ജീത്തു ജോസഫ്. തുടര്‍ന്ന് മമ്മി ആന്‍ഡ് മി, മൈ ബോസ്, മെമ്മറീസ്, ദൃശ്യം തുടങ്ങിയ മലയാള ചിത്രങ്ങളും പാപനാസം, തമ്പി തുടങ്ങിയ തമിഴ് ചിത്രങ്ങളും സംവിധാനം ചെയ്യുകയും ദി ബോഡി എന്ന ചിത്രത്തിലൂടെ ഹിന്ദിയിൽ തുടക്കം കുറിക്കുകയും ചെയ്തു. അദ്ദേഹത്തിന്റെ ജന്മദിനമായ ഇന്ന് പിറന്നാള്‍ ആശംസകള്‍ നേര്‍ന്ന് കൊണ്ട് പുതിയ ചിത്രം ട്വല്‍ത്ത് മാനിന്റെ മേക്കിംഗ് വീഡിയോ പുറത്തു വിട്ടിരിക്കുകയാണ് അണിയറ പ്രവര്‍ത്തകര്‍.
ട്വല്‍ത്ത് മാനിന്റെ ലോക്കേഷനില്‍ ജീത്തു ജോസഫ് അണിയറ പ്രവര്‍ത്തകര്‍ക്ക് ഷോട്ടുകള്‍ പറഞ്ഞു കൊടുക്കുന്ന രംഗങ്ങൾ ഉൾപ്പെടെ ചിത്രീകരണ സമയത്തുണ്ടാകുന്ന പ്രധാനപ്പെട്ട കാഴ്ചകളെല്ലാം കോര്‍ത്തിണക്കിക്കൊണ്ടാണ് അണിയറപ്രവര്‍കര്‍ വീഡിയോ പുറത്തു വിട്ടിരിക്കുന്നത്.
ദൃശ്യം 2 എന്ന വന്‍ ഹിറ്റ് ചിത്രത്തിന് ശേഷം മോഹന്‍ലാലും ജീത്തു ജോസഫും ഒന്നിക്കുന്ന ട്വല്‍ത്ത് മാന്‍ ആശിര്‍വാദ് സിനിമാസിന്റെ ബാനറില്‍ ആന്റണി പെരൂമ്പാവൂര്‍ ആണ് നിർമ്മിക്കുന്നത്. അനുശ്രീ, അദിതി രവി, ഷൈന്‍ ടോം ചാക്കോ, സൈജു കുറുപ്പ്, വീണ നന്ദകുമാര്‍, ശിവദ നായര്‍ തുടങ്ങിയവരാണ് ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നത്.
തിരക്കഥ – കെ ആര്‍ കൃഷ്ണകുമാർ, പശ്ചാത്തലസംഗീതം – അനില്‍ ജോൺസൻ, ഛായാഗ്രഹണം – സതീഷ് കുറുപ്പ്, കലാസംവിധാനം – രാജീവ് കോവിലകം, കോസ്റ്റ്യൂം ഡിസൈന്‍ – ലിന്റ ജീത്തു.
Post Your Comments