മുംബൈ: ആര്യന്‍ഖാന്‍ അറസ്റ്റിലായ മയക്കുമരുന്നു കേസുമായി ബന്ധപ്പെട്ട കൈക്കൂലി കേസില്‍ ഷാരൂഖ് ഖാന്റെ മാനേജര്‍ പൂജ ദദ്‌ലാനിയെ ചോദ്യം ചെയ്യാന്‍ വിളിപ്പിച്ച് മുംബൈ പൊലീസ്. എന്‍സിബിയുടെ വിജിലന്‍സ് വിഭാഗവും പൂജയെ ചോദ്യം ചെയ്യാന്‍ വിളിപ്പിച്ചതായി റിപ്പോര്‍ട്ടുകളുണ്ട്.
എന്‍സിബിയുടെ പ്രത്യേക അന്വേഷണ സംഘത്തോട് പൂജ കൂടുതല്‍ സമയം ആവശ്യപ്പെട്ടതായാണ് വിവരം. ഷാരൂഖിന്റെ മകന്‍ ആര്യനെ നവംബര്‍ ആദ്യം ബോംബെ ഹൈകോടതി ജാമ്യത്തില്‍ വിട്ടിരുന്നു. ഇതിനുശേഷമാണ് കൂടുതല്‍ പേരെ ചോദ്യം ചെയ്യാന്‍ എന്‍.സി.ബി നീക്കമിടുന്നത് .
ലോവര്‍ പാരലില്‍വെച്ച്‌ കെ.പി ഗോസാവിയും സാം ഡിസൂസയുമായി പൂജ കൂടിക്കാഴ്ച നടത്തിയതിന്‍റെ സി.സി.ടി.വി ദൃശ്യങ്ങള്‍ പ്രത്യേക അന്വേഷണ സംഘത്തിന് ലഭിച്ചതിനെ തുടര്‍ന്നാണ് ഇവരെ ചോദ്യം ചെയ്യാന്‍ വിളിപ്പിച്ചതെന്ന് പ്രമുഖ ദേശീയ മാധ്യമം റിപ്പോര്‍ട്ട് ചെയ്തു. അതേസമയം സംഭവത്തില്‍ പൊലീസ് ഔദ്യോഗികമായി പ്രതികരിച്ചിട്ടില്ല.
Post Your Comments