തിരുവനന്തപുരം : ഉലക നായകന്‍ കമല്‍ ഹാസന്റെ 67-ാം ജന്മദിനത്തില്‍ താരത്തിന് ജന്മദിനാശംസകള്‍ നേര്‍ന്ന് മുഖ്യമന്ത്രി പിണറായി വിജയന്‍. ‘കേരളത്തിന്റെ എന്ത് ആവശ്യത്തിനും താങ്കള്‍ കൂടെ നിന്നിട്ടുണ്ട്. താങ്കള്‍ സിനിമാ സാംസ്‌കാരിക മേഖലകളില്‍ നല്‍കുന്ന സംഭാവനകള്‍ വാക്കുകള്‍ക്ക് അപ്പുറമാണ്’- ട്വിറ്ററിലൂടെ മുഖ്യമന്ത്രി ആശംസകള്‍ അറിയിച്ചു.
നടന്‍, സംവിധായകന്‍, നിര്‍മാതാവ്, തിരക്കഥാകൃത്ത്, ഡാന്‍സര്‍, രാഷ്ട്രീയക്കാരന്‍ എന്നീ നിലകളിലെല്ലാം ശ്രദ്ധ നേടിയ കമല്‍ ഹാസൻ തമിഴ്, ഹിന്ദി, മലയാളം, തെലുങ്ക്, കന്നട തുടങ്ങി തെന്നിന്ത്യന്‍ ഭാഷാചിത്രങ്ങളിലും ബോളിവുഡിലും തന്റേതായ വ്യക്തിമുദ്ര പതിപ്പിച്ചു കഴിഞ്ഞു.
മൂന്‍ട്രാം പിറൈ, നായകന്‍, തേവര്‍ മകന്‍, ഇന്ത്യന്‍ എന്നീ ചിത്രങ്ങളിലെല്ലാം മികച്ച നടനുള്ള ദേശീയ പുരസ്‌കാരം സ്വന്തമാക്കിയ അതുല്യപ്രതിഭയെ 1990ല്‍ പത്മശ്രീയും 2014ല്‍ പത്മഭൂഷണും നല്‍കി രാജ്യം ഈ ആദരിച്ചു.
Post Your Comments