ചെന്നൈ: വീടില്ലാത്ത സിനിമാ തൊഴിലാളികൾക്ക് വീട് വച്ച് നൽകുന്ന പദ്ധതിയിലേക്ക് ഒരുകോടി രൂപ സംഭാവന നൽകി വിജയ് സേതുപതി. തമിഴ് സിനിമ തൊഴിലാളി സംഘടനയായ സൗത്ത് ഇന്ത്യ ഫിലിം എംപ്ലോയീസ് ഫെഡറേഷനാണ് താരം ഈ തുക കൈമാറിയത്. മുൻപ് ഇതേ ആവശ്യത്തിന് സംഘടന താരത്തെ സമീപിച്ചപ്പോൾ അന്ന് അദ്ദേഹത്തിന് സഹായിക്കാൻ കഴിഞ്ഞിരുന്നില്ല. പിന്നാലെയാണ് പരസ്യ വരുമാനത്തിൽ നിന്നും ഈ തുക നൽകാൻ തീരുമാനിച്ചതെന്നും അദ്ദേഹം പറഞ്ഞു.
തന്നാൽ കഴിയുന്നതുപോലെ ഇനിയും സഹായിക്കുമെന്നും, ഇതിനായി എല്ലാ പിന്തുണയും ഉണ്ടാകുമെന്നും വിജയ് സേതുപതി, സൗത്ത് ഇന്ത്യ ഫിലിം എംപ്ലോയീസ് ഫെഡറേഷന്‍ പ്രസിഡന്റ് സെൽവമണിയോട് ഉറപ്പു നൽകി .
കോവിഡ് പ്രതിസന്ധിയുടെ സമയത്ത് സിനിമയിൽ ദിവസ വേതനത്തിന് ജോലി ചെയ്യുന്നവർ ഏറെ പ്രതിസന്ധിയിലായിരുന്നു. ആ സമയം സൂപ്പർതാരങ്ങൾ അടക്കം ഇവർക്ക് സഹായവുമായി രംഗത്തെത്തിയിരുന്നു. സിനിമാ മേഖല ഉണർവോടെ തിരിച്ചു വരുമ്പോഴും സഹായം തുടരുകയാണ് വിജയ് സേതുപതി.
Post Your Comments